- Танасис Антетокумпо, ќе му биде соиграч на македонскиот репрезентативец, Ненад Димитријевиќ во редовите на Арис.
- Искусниот 34 годишен грчки репрезентативец потпиша двегодишен договор, со опција за продолжување на уште една, со што Арис доби играч со богато НБА и европско искуство.
- Антетокумпо се враќа во грчката кошарка по неколку години поминати во НБА лигата, каде што го носеше дресот на Милвоки заедно со Јанис, а во 2021-ва станаа шампиони.
- Македонскиот фудбалски првак Вардар има нов тренер, откако потпиша договор со црногорскиот стратег Миодраг „Гроф“ Божовиќ, екс-тренер на Црвена Звезда со која стана шампион. Црногорецот доаѓа на местото на Матија Мирков, кој како в.д тренер го водеше клубот по заминувањето на Аргентинецот Кристијан Фабијани.
- Божовиќ е поранешен црногорски фудбалер и еден од најпознатите тренери од регионот. Роден е на 22 јуни 1968 година во Мојковац, а зад себе има богата играчка и тренерска кариера. Како фудбалер настапуваше за Будуќност од Подгорица, Црвена звезда, индонезиската Пелита, кипарскиот АПОП, холандскиот РКЦ Валвајк, јапонската Ависпа Фукуока и Розендал, каде што на само 30 години ја заврши професионалната кариера и се посвети на тренерската работа.
- Како тренер ги водеше ОФК Београд, беше помошник тренер во јапонскиот Сапоро, беше главен тренер на Борец Чачак, Будуќност АЕП Пафос, Хајдук Београд и Обилиќ. Во 2008 година замина во Русија и таму стана еден од попрепознатлвиите тренери. Таму помина седум успешни години, ги водеше Амкар Перм, ФК Москва, Динамо Москва, Ростов и Локомотив Москва. Со Ростов го освои Купот на Русија во 2014 година, додека со Амкар и ФК Москва стигна до историско четврто место во руската Премиер лига.
- Во мај 2015 година седна на клупата на Црвена звезда. Иако не успеа да остави поголем белег во европските натпреварувања, Божовиќ ја предводеше екипата до убедлива шампионска титула во Србија во сезоната 2015/16, поставувајќи и рекорд од 24 последователни победи. Беше и остана миленик на навивачите на црвено-белите.
- „Се мачев цел натпревар, уште од четвртиот гем на натпреварот. Не сакам ништо да му одземам од победата, тој е фин дечко и борец, но јас не уживав во мечот“ изјави Новак Ѓоковиќ (39) откако беше шокантно елиминиран во првото коло на УС Опен од Аргентинецот Маријано Навоне.
- „Мислам дека беше очигледно дека се чувствував ужасно на теренот. За жал, ова е нешто што ме следи речиси на секој натпревар оваа година. Имам сериозен проблем со повраќање и гадење, а потоа целото тело почнува да ми откажува поради грчеви и болки“.
- „Едноставно грбот ми попушти на крајот од натпреварот, како и рамото, не можев да го доведам натпреварот до крај. Не знам дали можам да го решам овој проблем во иднина. Се трудам и ќе видиме. Не навлегувам во детали во моментов“, вели Србинот кој за прв пат од Австралија опен 2006, губи меч во прво коло на гренд слем.
Ноле не може повеќе
