- Некогашниот фудбалер на Барселона а подоцна тренер на Б тимот на Каталонците од 2015-та до 2018-та во разговор за Онда Серо вели дека редовно си добивал судиски анализи и извештаи од синот на контроверзниот судија Негреира и дека тоа многу му помагало.
- „Јас бев со резервите (вториот тим на Барселона) и добивав судиски рапорти од синот на Негреира и тие беа екстремно корисни за мене“, вели Жерар Лопез кој сега е селектор на репрезентацијата на Каталонија и стручен коментатор во шпанските медиуми.
- Времето на Лопез како тренер во Барселона Б соодветствува со трите последни години кога управата на Барса му плаќала пари на сметка на судијата Хозе Марија Енрикез Негреира кој во тоа време беше потпретседател на Шпанскиот технички судиски комитет.
- Овие плаќања на сметка на синот на фудбалскиот судија сега се предмет на судски процес.
- „Негреира е историска грешка за Барса, но тоа е далеку од тоа да се каже судиите биле потплатени“, рекол Лопез.
- „Се мачев цел натпревар, уште од четвртиот гем на натпреварот. Не сакам ништо да му одземам од победата, тој е фин дечко и борец, но јас не уживав во мечот“ изјави Новак Ѓоковиќ (39) откако беше шокантно елиминиран во првото коло на УС Опен од Аргентинецот Маријано Навоне.
- „Мислам дека беше очигледно дека се чувствував ужасно на теренот. За жал, ова е нешто што ме следи речиси на секој натпревар оваа година. Имам сериозен проблем со повраќање и гадење, а потоа целото тело почнува да ми откажува поради грчеви и болки“.
- „Едноставно грбот ми попушти на крајот од натпреварот, како и рамото, не можев да го доведам натпреварот до крај. Не знам дали можам да го решам овој проблем во иднина. Се трудам и ќе видиме. Не навлегувам во детали во моментов“, вели Србинот кој за прв пат од Австралија опен 2006, губи меч во прво коло на гренд слем.
Ноле не може повеќе
- Еден од најдобрите велосипедисти на сите времиња, младиот Словенец Тадеј Погачар доживеал сериозни повреди на големата трка Ла Вуелта а по лекарските прегледи било востановена скршеница на клучната коска.
- Тадеј Погачар лошо падна на осмата етапа на околу 32 километри пред целта во Ксерако. По падот не ја продолжи трката и се откаже од Вуелта иако беше лидер во генералниот пласман.
- Погачар доживеал скршеница на левата клучна коска, имал потрес на мозок и скршеница на седмиот вратен пршлен како и повеќе други повреди.
- „Тадеј сега е стабилен. За среќа нема други сериозни повреди ниту невролошки последици“, рекле лекарите од неговиот тим.
