Offside › Набрзинка

Наполи има нов тренер

3 јули 2026

Фудбалскиот клуб Наполи на својот сајт објави дека Масимилијано Алегри е нов тренер на екипата по заминувањето на Антонио Конте. Алегри минатата сезона го водеше Милан кој долго време беше прв или втор на табела за да на крајот после катастрофални односи меѓу управата и стручниот штаб, росонерите претрпат неколку порази по ред и испаднаа од место во Лига на шампиони.
Алегри и целиот стручен штаб добија отказ, заминаа од клубот а сега одат во Наполи.
„Наполи му посакува добродојде на Масимилијано Алегри кој ќе ја преземе функцијата тренер на првиот тим. Тренерот потпиша договор кој ќе го обврзува со клубот до 30-ти јуни 2029-та“, соопшти првиот човек на Наполи претседателот Аурелио Де Лаурентис на неговиот Х профил.
Алегри ќе заработува 4,5 милиони евра по сезона, далеку под онаа од 5 милиони која што ја имаше во последната сезона во Милан со кого имаше договор до крај на 2027-ма. Како и во 2014-та така и сега тој го наследува Антонио Конте на клупата, тогаш во Јувентус сега во Наполи.
Алегри во 2010-та му го донесе 18-то шампионско скудето на Милан и шестиот трофеј во италијанскиот Суперкуп. Од 2014 до 2019 беше тренер на Јувентус со кого освои 5 шампионски титули по ред, четири Купа на Италија и два Суперкупа на Италија. Два пати ги водеше бјанконерите и до финале на Лига на шампиони.

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор

Сагата конечно заврши: Италија има нов-стар селектор

28 јули 2026

Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
За нов технички директор е назначен Клаудио Раниери.
Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.

извор