- Ханси Флик доби нов договор од управата на Барселона, кој ќе го врзе со клубот до 30 јуни 2027 година.
- Флик победи на 43 од 54 натпревари, со 73% успешност, најдобар процент во деби сезона откако Луис Енрике забележа 83%. Статистика што го доведе овој млад тим до домашна тројна титула во Ла Лига, Копа дел Реј и Суперкуп на Шпанија.
- Двојна круна во својата прва сезона претходно успеале да освојат само уште четворица: Ван Гал, Ернесто Валверде, Гвардиола и Луис Енрике.
- Германскиот стратег ги израдува навивачите на Барса во својата прва сезона од многу причини: поради вербата што ја даде на тимот, епските прсврти и трофеите. Возбудата што Германецот ја донесе во клубот во својата прва година, ја направи Барселона повторно страшен ривал во Европа, стои во дел од соопштението на клубот.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
