- Арда Ѓулер има само 18 години а изминатава сезона блесна во дресот на Фенербахче со кој го освои Купот на Турција. Ѓулер се издвојува како права 10-ка, волшебник со топката и по многу нешта потсеќа на Лео Меси поради што го доби прекарот „турскиот Меси“.
- За него, кратко време откако се појави на голема сцена, скаути пратија многу клубови. На почетокот на летото се чинеше дека италијанските гиганти ќе бидат најблизу до неговиот потпис, сè додека во трката не се вклучија Реал Мадрид и Барса.
- Дејли Мејл денес пишува дека Реал е спремен да ја плати откупната клаузула за Ѓулер чиј договор истекува следната сезона. Претседателот на Фенербахче Али Коч му нудел „злато, ридови и долини“ на Арда да остане во Истанбул но Реал вика еднаш во животот.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
