- Никита Павлович Симонјан, најдобриот стрелец на Спартак Москва на сите врмиња починал на 100-годишна возраст. Тој бил олимписки шампион, шесткратен првак на СССР, петкратен освојувач на Купот на СССР како играч и тренер.
- Симонјан од 1949 до 1959 постигнал 160 гола на 233 натпревари за Спартак Москва. Бил член и на репрезентацијата на СССР која во 1956. година во Мелбурн убедливо го освоила олимпиското злато на фудбалскиот турнир.
- Никита Симонјан на почетокот на ноември станал највозрасниот жив олимписки шампион откако на 2. ноември на 102 години починал францускиот велосипедист и олимписки шампион од 1948-ма Шарл Кот.
- Во 1958-ма година го постигнал првиот гол за СССР во историјата на Светските првенства против Англија.
- Со голот на италијанскиот репрезентативец Матео Политано во 78' минута Наполи го совлада Милан 1-0 и го прескокна на 2. место на табелата во Серија А. Интер е прв со 72 бода, Наполи е втор со 65 бода, Милан е трет со 63 бода.
- Тренерот на Наполитанците Антонио Конте после мечот задоволен од победата бил во добро расположение. Зборувал меѓудругото за Елмас на кого синоќа со Милан му даде само 5 минути од клупата за резерви а во претходно коло не го ни стави во игра откако се вратија повредените играчи како Де Брујне и другите.
- „Задоволен сум од работата на поединци. Мислам тука на Елмас кој денес влезе на 5 минути пред крај и беше меѓу најдобрите поединци на мечот, но и на Маѕоки и Беукема. Неверојатно голема работа завршија“, рекол Конте.
- Во италијанскиот печат на големо се зборува и дека тренерот на Наполи би можел да се врати на клупата на репрезентацијата на Италија наскоро. Дали паралелно со Наполи или самостојно останува да се види во јуни.
- „Јас би се зел себеси во предвид да бев претседател на Фудбалската федерација на Италија. Сигурно меѓу другите имиња би го имал и Конте како кандидат поради многу мотиви. Го познавам амбиентот (во репрезентацијата), бев селектор две години. Голем мотив е да се претставува својата земја. Но знаете каква е мојата ситуација. Знаете дека имам договор. Знаете дека ќе зборувам со претседателот, знаете се“.
- Капитенот на најтрофејниот кошаркарски колектив во земјава, Виктор Ефремовски ја игра најдобрата сезона во својата кариера, а парадоксално екипата се бори за опстанок во лигата.
- Црвено-белите наместо да се борат за врвот, играат за гол опстанок и да спречат историски срам за првпат да испаднат во втора лига.
- 27-годишниот Гостиварец Виктор Ефремовски на последните шест натпревари постигнал 177 поени или во просек безмалку по 30 поени по натпревар.
- Во 22 кола Ефремовски има просек од 22 поени по натпревар што е верувале или не најдобар учинок во историјата на македонското првенство. Најблиску до него е Александар Костоски кој во 2012 беше импресивен со по 21,7 поени по натпревар.
- Најдобриот кошаркар на Работнички од почетокот на сезоната нема ниту еден натпревар од 22 кола на кој не бил двоцифрен. Тој постави и свој личен рекорд со дадени 50 поени на натпреварот против Маџари.
