Offside › Набрзинка

Миовски спиел со глувци додека играл младинска ЛШ, а сега го живее својот сон

31 јануари 2024

Бојан Миовски имал многу тежок фудбалски пат. Во него не верувале сите македонски клубови во кои заиграл: Брегалница од родниот Штип, Работнички, Македонија Ѓорче Петров и Ренова.
Во интервју за Моцарт, раскажува како играл футсал, а првиот фудбалски меч го одиграл на 16 години и тоа како лев бек на вештачка трева.
„Јас сум единствениот во моето семејство што игра фудбал. Почетокот на спортското патување не навестуваше голема кариера. По неколку месеци фудбал како деветгодишник во штипска Брегалница, се префрлив на футсал. Играв во клубот Мал Ајакс, таму бев до 15 години. Потоа се запишав на Академијата на ФС Македонија. Првиот натпревар ми беше на 16 години, на вештачка трева во тренинг центарот на ФФМ. Почнав како лев бек“.
„Заедно со уште еден играч на Работнички, Оливер Стоименовски, добив понуда да заминам на шестмесечна позајмица во Карабах и да играм во младинската Лига на шампиони. Мислев дека сè ќе биде убаво, но кога пристигнав бев многу разочаран од условите. Основата каде што бевме сместени беше како интернат. Многу лошо за живот“.
„Едвај издржав четири месеци. Во собата во која спиев, имаше глувци под креветот. Овие моменти беа најтешките во мојот живот, но решив да издржам бидејќи играв големи натпревари во ЛШ со Атлетико, Рома и Челзи. Не можев да заспијам, ги одбројував деновите додека да се вратам дома. Два месеци порано од планираното, се простив од Карабах“, раскажува македонскиот голгетер кој блеска во Шкотска со 18 гола оваа сезона.

извор

Македонски репрезентативец потпиша со Панатинаикос

29 јуни 2026

Дваесет и четири годишниот центарфор Елмин Растодер е нов играч на грчки Панатинаикос. Фудбалерот роден во Швајцарија кој веќе има 9 настапи за Македонија, беше најдобар играч во швајцарската лига изминатата сезона и со 15 гола и 6 асистенции беше најзаслужен за сензационалната титула на Тун.
Вредноста на Растодер според Трансфермаркт е 4 милиони евра.
Италијанскиот твитерџија Фабрицио Романо соопшти дека Елмин Растодер денес ги комплетирал лекарските прегледи во Панатинаикос и дека ќе потпише договор. Со него во ПАО доаѓа и познатиот холандски стопер од Интер Стефан де Врај кому му истече договорот со нераѕурите летово.

извор

Енцо Мареска е нов тренер на Манчестер Сити

29 јуни 2026

Италијанскиот стратег Енцо Мареска потпиша тригодишен договор до летото 2029 година и доби тешка задача, а тоа е да го замени Пеп Гвардиола кој им донесе 20 трофеи.
За него ова ќе биде трет престој во клубот, каде пристигнува со искуство од Премиер лигата стекнато во Лестер и Челси.
„Манчестер Сити е клуб што го познавам многу добро, ова е брилијантна можност за мене. Се работи за неверојатно добро управуван фудбалски клуб. Сè што прават е иновативно, планирано и со цел. За секој тренер ова е сон“, рече Мареска.

извор