- Капитенот и мотор на македонската репрезентација, бројот 10 на Леванте наскоро би можел да смени средина. За неговите услуги веќе подолго време се заинтересирани сериозни клубови од шпанска Примера и од италијанска Серија А.
- Последно, шпанскиот инсајдерски медиум Ел Чирингито elchiringuitotv објави, а Твитер профилот на Football Macedonia пренесе дека Милан испратил понуда од 6 милиони евра до Леванте за Енис Барди.
- 26-годишниот играч од средниот ред на Леванте е роден на 2 јули 1995 година во Скопје. Кариерата ја почна во чаирска Слога, играл и за младинските категории на Брондби и Преспа Бирлик.
- Од 2014 до 2017 Барди беше член на унгарски Ујпешт (79 меча, 20 гола) а класата ја потврди во шпански Леванте каде дојде на 17 јули 2017-та. Во претходниве сезони стана еден од најдобрите организатори на игра во шпанската лига а извесно време им беше и главен конкурент на Лионел Меси и Кристијано Роналдо за голови постигнати од слободен удар.
- Доколку се оствари трансферот во Милан, Енис Барди би можел да стане првиот македонски фудбалер кој заиграл за росонерите. Претходно Дарко Панчев го носеше дресот на градскиот ривал на Милан, Интер.
- Во ситуација кога Милан го обновува средниот ред, Барди би имал сигурно место во стартната постава.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
