- Манчестер Сити соопшти на својот сајт дека се пресреќни што може да го потврдат доаѓањето и потписот на новото засилување - Антоан Семењо, крилен напаѓач од Борнмут.
- 26-годишниот Семењо е роден во Лондон од родители од Гана и игра за оваа африканска земја. Почнал сериозна кариера во Бристол Сити а потоа се калел на позајмици во нисколигашите Бат Сити, Њупорт Каунти и познатиот Сандерленд.
- Во Борнмут блескаше и стана еден од најдобрите офанзивни фудбалери кој може да покрива повеќе позиции. Само сезонава на 21 натпревар има 10 гола и 3 асистенции.
- „Многу сум горд што дојдов во Манчестер Сити. Го гледав Сити изминатата деценија под Пеп Гвардиола и имаат доминантен тим во Премиер лига а освоија и прекрасни работи во Лига на шампиони, ФА Куп и Лига Куп. Имаат највисоки стандарди и е клуб со светска класа играчи, светска класа терени и еден од најдобрите тренери на сите времиња. Многу се жртвував за ваков развој, така што да се биде во овој клуб во оваа фаза од кариерата е совршено за мене. Права привилегија е ова за мене“, рекол Семењо.
- Светската куќа на фудбалот (ФИФА) ја објави официјалната листа на судии кои ќе може да бидат дел од најпрестижните настани во новата 2026 календарска година.
- Македонија на ФИФА-листата фигурира со вкупно 21 судија во сите категории под капата на ФИФА. Само пет од нив се главни, другите се асистенти и футсал-судии.
- Главни судии на мечевите под капата на ФИФА ќе може да бидат Влатко Илијоски, Стојанче Трпчевски, Игор Стојчевски, Ивана Пројковска и Ирена Велевачкоска.
- Најдобриот ракометар на РК Вардар 1961 и најдобар играч во првата полусезона од машката Суперлига, Украинецот Дмитро Хориха ќе игра уште една сезона во црвено-црниот дрес, пишува 24ракомет.мк.
- Хориха беше голема желба на Берлин и Веспрем, но левиот бек кој одигра фантастична прва полусезона и е најзаслужен за феноменалните партии на Вардар 1961, решил да го продолжи договорот со клубот и да остане најмалку уште една сезона.
- Скопскиот состав сезонава се пласираше во главната фаза од Лига Европа, има шанси да стигне и до ТОП8, а во домашното првенство имаат одлична бодовна залиха пред ривалите Еурофарм Пелистер, Алкалоид и Охрид. Комити се надеваат дека шампионската титула ќе се врати по пауза од три години.
- Со останување на Хориха Вардар обезбедува силен континуитет на една од најважните бековски позиции и го задржува костурот на тимот.
