Offside › Набрзинка

Манчестер Јунајтед заврши со Аморим

5 јануари 2026

Еден ден по ремито со Лидс 1:1, Манчестер Јунајтед одлучи да се раздели со Аморим после 14 месечна соработка.
„Рубен Аморим заминува од функцијата тренер на Манчестер Јунајтед. Со оглед на тоа што Манчестер Јунајтед е шести во Премиер лигата, раководството на клубот донесе одлука дека е вистинско време да направи промена. Ова ќе му даде на тимот најдобра можност за највисок можен пласман во Премиер лигата. Клубот сака да му се заблагодари на Рубен за неговиот придонес и му посакува се најдобро во иднина“, стои во соопштението на Јунајтед.
Привремен тренер ќе биде Дарен Флечер, кој веќе во среда го чека гостување против Барнли во 20. коло од Премиер лигата.

Rúben Amorim was the 10th manager to take charge of Manchester United since Sir Alex Ferguson’s departure 😲 pic.twitter.com/qtrvF2NFDm
— ESPN FC (@ESPNFC) January 5, 2026

извор

Нова вечер во Лига на шампиони - на кого за што му треба?

28 јануари 2026

Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.

извор

Циндриќ: Сè ме боли, тој што го смислил распоредот сигурно не бил никогаш спортист

28 јануари 2026

Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.

извор