Offside › Набрзинка

Манасков суспендиран на три месеци

16 декември 2025

Дисциплинската комисија на РФМ ги изрече казните по мечот меѓу Охрид и Еурофарм Пелистер, по кој имаше трето полувреме.
И двете екипи се казнети со по 45.000 денари. Помошник тренерот на Охрид, Крсте Андоновски е казнет на три натпревари, а Дејан Манасков на три месеци.
Левото крило на битолчани нема да игра на пет средби од регуларниот дел, а ќе ги скокне и првите два меча од плеј-офот.

Шампионот падна во Охрид, Манасков заврши во станица

извор

Хари Реднап спремен бесплатно да го води Вест Хем

8 јануари 2026

Легендарниот англиски фудбалски тренер Хари Реднап во кариерата најголеми успеси имаше како менаџер на Вест Хем, Портсмут и Тотенхем, а ги водеше уште и Саутемптон, Квинс Парк Ренџерс, Бирмингем и Борнмут. Стана познат како спасител, односно тренер кој доаѓа во екипа која се дави во борба за опстанок и ја спасува.
Така во неколку наврати ги вадеше од бездна „чеканите“ кои сега се 18 од 20 екипи во Премиер лига со мизерни 14 бода. Сегашниот тренер Нуњо Еспирито Санто е пред отказ после катастрофалната серија од 10 натпревари без победа.
Вест Хем заостанува 7 бода зад сигурната безбедна зона која значи опстанок во Премиер лига. „Јас би работел за ништо. Би одел каде било ако некој ме повика, би одел и би работел бесплатно. Навистина би сакал, би уживал. Не е до парите. Уживам да одам и да бидам со играчите. Го сакам тоа. Мартин Онил беше (во Селтик на кратко) и тој знае што прави. Тој има искуство, го разбира фудбалот, не се занимава со ракетна наука. Го вадиш најдоброто од играшите, мораш да го извадиш најдоброто. Во Вест Хем кој и да дојде мора да го извади најдоброто од оваа просечна група играчи, да бидам брутален“, рекол Хари Реднап.

извор

Лазаров уште три години селектор на Македонија

6 јануари 2026

На 10 дена пред стартот на Светското првенство, РФМ му го продолжи договорот на Кире Лазаров на уште три години, поточно до 2029-та година. Стариот му беше до следното лето.
„Веруваме дека континуитетот и стабилноста се клучни за напредокот на националниот тим и македонскиот ракомет во целина. Се надеваме на успешна и плодна соработка во наредниот период, во кој со заеднички труд, посветеност и јасна визија ќе продолжиме да остваруваме добри резултати и да го развиваме нашиот спорт“, вели претседателот на РФМ, Александар Стефанов.
Лазаров е предводник на македонската репрезентација од февруари 2021 година. Под негово водство, Македонија го продолжи континуитетот на големи натпреварувања.

извор