- На популарната сплитска Рива свечено беше затворена меѓународната завршница на Плазма Спортските игри на младите, со што заврши и историското прво учество на Македонија во големото семејство на Игрите.
- Неколку дена Сплит беше домаќин на младите спортисти од Хрватска, Србија, Босна и Херцеговина, Словенија и Македонија, кои преку спортот се натпреваруваа, дружеа и создаваа нови пријателства.
- СЕДУМ МЕДАЛИ ЗА МАКЕДОНИЈА
- Македонските млади спортисти меѓународната завршница ја завршија со седум медали – три сребрени и четири бронзени. Првиот медал за Македонија го освои Наум Насковски, кој стигна до бронзата во трката на 60 метри.
- Бронзен медал освои и Ролинг од Струмица во баскет 3×3. На шаховскиот турнир, Македонија имаше двоен успех. Илијана Велева од Свети Николе освои сребро во женска, а Давид Атанасовски од Гази Баба во машка конкуренција.
- Уште три медали пристигнаа од пинг-понгот. Јован Пармачки од Берово го освои сребрениот медал, додека Мартин Ристевски од Прилеп и Бојана Јовевска од Пехчево стигнаа до бронзата.
- Медалите ги доделуваа светски познатата тенисерка од Белград Ана Ивановиќ, селекторот на фудбалската репрезентација на Хрватска Славен Билиќ а меѓу присутните беше и Жељко Обрадовиќ.
- Легендарниот напаѓач на Интер, почина на 83-годишна возраст. Целата кариера му ја посвети на клубот од Милано каде запиша 417 настапи и 116 гола во 17 сезони (1960-1977).
- Сметан е за еден од најдобрите играчи на сите времиња. Освои 4 титули во Серија А и по две во Купот на шампионите и Интерконтиненталниот Куп. Една сезона бил и најдобар стрелец во Серија А.
- За Италија одигра 70 меча, постигна 22 гола и стана европски првак во 1968-ма. Стана и финалист на СП 1970, но загуби од Бразил на Пеле. Во 1971-ва беше втор во изборот на Златна топка.
- Првиот човек на фан-клубот навивачи на Реал Мадрид од шпанската ексклава Сеута (градче кај Мароко кое и припаѓа на Шпанија), изјавил дека биле разочарани од тоа што фудбалерите на Реал Ибраима Конате, Килијан Мбапе и Винисиус Жуниор ги сокриле натписите за поддршка на Сеута на маиците пред натпреварот со Елче (2:3).
- Се појави видео на кое Винисиус му покажува на Мбапе како да ја свитка маицата за да не се гледа натписот за поддршка на жителите на Сеута. Таканаречената Пења Мадридиста Сеута брои околу 120 членови и е основана во далечната 1987-ма година.
- Овој град се најде на страшен удар на имигрантски наплив при крајот на јули кога преку 70.000 имигранти насилно влегоа или се обидоа да влезат во Сеута, па оттаму да тргнат за Шпанија. Оттогаш досега се случиле бројни кривични дела меѓу кои и силувања на малолетнии девојчиња од страна на имигрантите кои се судрија и со полицијата.
- „Бевме изненадени кога ги видовме кадрите од подтрибинскиот простор и видовме како сите играчи ги облекуваат маиците со натпис за поддршка на нашиот град. Но потоа приметивме како тројца играчи на Реал ги виткаат маиците за да не го прикажат самиот натпис. Помисливме: 'Значи нема поддршка'. Ни беше многу криво особено што тоа се играчи на нашиот Реал. Колку што сфатив, Мбапе кажал и дека иако тој сочуствува со нашата ситуација, исто е солидарен и со мигрантите и затоа не ја облекол маицата. Ако имаш маичка за поддршка на Сеута, не ја соблекувај, а утре или на следниот натпревар облечи некоја во поддршка на мигрантите. Просто е“, му порачал на Мбапе првиот човек на фан-клубот на Реал Мадрид од Сеута.
