Offside › Набрзинка

Македонија на најдалечното гостување во историјата – можеме ли до три бода?

9 јуни 2025

По сјајното реми против големиот фаворит Белгија (1:1) во натпревар во кој можеби Македонија го заслужи и целиот плен со оглед на шансите и стативите, денес црвено-жолтите гостуваат во Астана против Казахстан.
Во рамки од квалификациите за Светско првенство 2026 Македонија без помошта од селекторот Благоја Милевски кој доби жолт картон и заработи парни картони во финишот од мечот со Белгија па денес од трибини ќе го следи дуелот, ќе се обиде да ги освои трите бода против неатрактивниот а мошне незгоден противник.
Наптреварот е од 16:00 часот по наше време. Казахстан во два одиграни меча има 3 бода. Изгуби од Велс на гости (3:1) и славеше против Лихтенштајн на гости (0:2).
Македонија и Казахстан досега имаат само еден меѓусебен натпревар и тоа пријателски во Скопје во 2021 година. Со головите на Езѓан Алиоски, Иван Тричковски, Милан Ристовски и Дарко Чурлинов нашата селекција убедлив славеше со 4-0.

извор

Кои се најдолготрајни тренери во моментов во Европа?

15 април 2026

„Ел Чоло“ Симеоне сигурно ќе го води Атлетико Мадрид и следната сезона: договроот кој истекуваше во јуни 2027-ма предвидувал и клаузули кои му давале на тренерот и на клубот можност да го раскинат предвреме. Сега тие клаузули се избришани и Симеоне ќе го води Атлетико 16 сезони по ред!
Во Европа во моментов подолготраен на клупата на еден ист клуб е германскиот тренер Франк Шмит кој го води Хајденхајкм од 17-ти септември 2007-ма односно цели 19 сезони по ред! Договорот на Шмит со Хајденхајм важи до јуни 2027-ма. Тој го водел клубот од петта аматерска лига до елитната Бундеслига.
Пеп Гвардиола е трет на листата најдолготрајни тренери во Европа. Тој го води Сити 10 сезони по ред уште од јули 2016-та. Микел Артета е седма сезона по ред на клупата на Арсенал а договорот и нему и на Гвардиола им истекува во јуни следната 2027-ма.

извор

Двегодишна суспензија и парична казна за Ѓорѓи Начевски и Славе Николов

15 април 2026

Македонското ракометно дуо со богата меѓународна кариера и официјално се суспендирани на две години од ЕХФ, плус парично казнети со по 5.000 евра поради манипулација со фитнес тестовите пред стартот на последното Европско првенство.
„Врз основа на анализата на партнерот за интегритет на Европската ракометна федерација, „Спортрадар“, Ракометниот суд заклучи дека спорните видеа биле манипулирани и затоа ги изрече следните санкции.
Двајцата судии се суспендирани од извршување на каква било функција во рамките на ЕХФ и учество во какви било активности на ЕХФ во период од две години од датумот на првостепената одлука поради сериозно неспортско однесување“, стои во дел од соопштението на ЕХФ.

извор