Offside › Набрзинка

Ливерпул ја одби понудата на Баерн за Дијаз, бара повеќе

15 јули 2025

Веќе неколку недели траат нагаѓања околу тоа каде Колумбиецот Луис Дијаз ќе ја продолжи кариерата. По освоена шампионска титула со Ливерпул, тој сака да замине од клубот. Баерн Минхен е најзаинтересиран и веќе понудил 67,5 милиони евра.

Црвените ја одбиле и го проценуваат Дијаз на 100 милиони евра плус бонуси. Сега следен на потег е Баерн Минхен.

извор

Лудачкиот бакшиш на Џордан во Грција

15 јули 2025

Мајкл Џордан бил во Грција како дел од специјален настан организиран од неговиот бренд „Board of Greatness“.
Човекот кој е поим за кошарка, имал незаборавна вечер во ресторан во Вулијамени, Атина, заедно со кошаркарските ѕвезди Лука Дончиќ, Кармело Ентони и Бам Адебајо.
Грчка Газета пишува дека до толку бил импресиониран од гостопримството и кулинарското искуство составено од грчки морски плодови и традиционални вкусови, што оставил неверојатен бакшиш од 10.000 евра.

извор

Најскапите трансфери досега летово

15 јули 2025

Додека трае летото, сите клубови работат на пронаоѓање нови свежи сили кои ќе ги засилат екипите.
Очекувано најмногу трошат најбогатите и оние кои добро заработуваат и од продажби.
Ливерпул е рекордер летово со историски рекордниот најскап трансфер во Премиер лига - Флоријан Вирц од Баер Леверкузен дојде во Ливерпул за неверојатни 125 милиони евра плус бонуси. Овој трансфер го надмина и оној астрономскиот на Челси со Енцо Фернандез (121 милион евра).
Втор најскапо платен играч летово е Матеуш Куња за кого Манчестер Јунајтед плати 74,2 милиони евра! Уште еден премиерлигаш е на листата најскапи селидби: Мартин Зубименди од Реал Сосиедад отиде во Арсенал за 70 милиони евра! Џејми Гитенс од Борусија Дортмунд во Челси за 64,3 милиони евра, Мохамед Кудус од Вест Хем во Тотенхем за 63,8 милиони евра, Жоао Педро од Брајтон во Челси за 63,7 милиони евра, Дин Хујсен од Борнмут во Реал Мадрид за 62,5 милиони евра итн. итн...

извор