Offside › Набрзинка

Лазаров откри зошто не играа двајцата пелистерци, тренингот за утре е откажан

16 јануари 2026

Најголемиот фаворит за европската титула, селекцијата на домаќинот Данска убедлива ја совлада Македонија 36-34. Во составот на црвено-жолтите неа беа двајцата најискусни поединци во репрезентацијата Никола Митревски и Жарко Пешевски а селекторот Кире Лазаров изјави после мечот дека причината била повреди на двајцата ракометари.
„Митревски и Пешевски имаа ситни проблеми со повреда и доста разговаравме и размислувавме со нашиот медицински и стручен штаб и со тренерите, исто така и со играчите. Се надевам дека за овие два дена ќе успееме да ги рехабилитираме затоа што ни се потребни и со нив ќе бидеме за неколку проценти подобри и поискусни.

Да беа здрави, ќе беа во состав, затоа што тие се одлични играчи, имаат добра сезона. Иако времето не ни е сојузник, се надевам ќе ги имаме и доволно рехабилитирани“, рече Лазаров.

извор

Битолчани: Не - за јужната трибина да се вика „Васил Рингов“

24 април 2026

На една од најпознатите фан страни на битолскиот клуб „И моето дете ќе навива за Пелистер“ беше објавена реакција во која објаснуваат зошто според нив трибината не треба да го носи името на Рингов.
„Со цела почит према името ,,Васил Рингов" и неговата кариера, но овај стадион е НАЦИОНАЛНА АРЕНА. Националната Арена не е објект на еден клуб, таму кој сака да игра си плаќа за тоа.
Извршниот директор (не сакаме име да му споменеме), може вакви барања да поднесува за она што имовина на клубот кој што го води (ако воопшто имаат имовина), некаков тренинг центар или слично, а за тоа што е ДРЖАВНО И НАЦИОНАЛНО, нема што еден клуб да бара вакво или такво име“, стои во реакцијата.

Вардар бара јужната трибина на „Градски“ да го носи името – Васил Рингов

извор

30 дена притвор за Сејдини

24 април 2026

Скопскиот Кривичен суд го прифати предлогот на Основното јавно обвинителство и определи притвор од 30 дена за поранешниот претседател на ФФМ, Муамед Сејдини.
Како што информираат од Кривичен, притворот е определен поради опасност од бегство и можноста од влијание врз сведоци и докази во текот на постапката.
Според наводите на Обвинителството, експретседателот на ФФМ во периодот од ноември до декември 2024 година прибавил противправна имотна корист од околу 660 илјади евра за правно лице од Скопје.

извор