- Управата на ЛА Клиперс го известила ветеранот Крис Пол (40) дека веќе не сметаат на него и дека е ослободен од обврските и го пратиле дома пред да патуваат за Атланта за дуел со Хокс во среда вечер.
- Во официјално соопштение на клубот ЛА Клиперс велат дека тие се разделуваат со Крис и дека тој веќе нема да биде дел од тимот. Му се заблагодаруваат како легендарен Клипер кој имаше историска кариера.
- Останува да се види како ќе оди разделбата ако се има предвид дека Крис Пол има договор за плата во висина од 3,6 милиони долари. ЛА Клиперс има очаен старт на сезоната со ужасен учинок 5-16.
- Тој е легенда на НБА со дури 12 Ол-Стар натпревари. Сезонава имаше 2,9 поени во просек со 3,3 асистенции по натпревар на 16 настапи. Проблемите на Клиперс се подлабоки, не е тука крив Крис Пол туку повредата на Кавај Ленард, слабите игри на Џејмс Харден, слабата одбрана, лошите трансфери и отсуство на контрола врз играчите од тренерот Тајрон Лу.
- Крис Пол ја започна својата НБА кариера во 2005-та кога беше избран како 4. пик на драфтот од Њу Орлеанс Пеликанс каде во следните шест години беше нивна главна ѕвезда.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
