Offside › Набрзинка

Кога Вардар го победил Каљари на Џиџи Рива

24 јануари 2024
  • Италија се простува од големиот Џиџи Рива кој е легенда на италијанскиот фудбал и освојувач на Европско првенство со аѕурите. Рива беше клупска легенда на Каљари каде ја помина целата кариера.
  • Малку е познато дека Рива има играно и во Скопје, против Вардар во полуфинале на Средноевропскиот Куп на 18-ти март 1968-ма година. Црвено-црните иако биле аутсајдери, славеле 1-0 со голот на Мето Спасовски а Вардар сензационално победил и на реваншот на Сардинија со 0-1 со гол на Симон Велковски.
  • Голманот Драган Мутибариќ на двата меча бранел неверојатно, особено на реваншот за што Италијанците тврделе дека такви одбрани не виделе до тогаш. Овие два триумфи се сигурно едни од најголемите во историјата на ФК Вардар.
извор

Десет „Златни топки“ гостувале во Македонија, ги знаете ли кои се?

29 октомври 2026
  • Хари Кејн е најновата „Златна топка“ во светскиот фудбал, а со тоа кога ќе ја согледаме историјата, тој стана десеттиот играч кој ја освоил оваа престижна награда, а љубителите на фудбалот имале шанса да го гледаат на терените во нашата земја.
  • Центарфорот беше гостин во Македонија со екипата на Тотенхем кога играше против Шкендија, како и со репрезентацијата на Англија. Од 1991 па наваму, од осамостојувањето на Македонија, уште девет играчи биле тука.
  • Тоа се Кристијано Роналдо со У21-тимот на Португалија, Павел Недвед со Чешка, Андреј Шевченко со Украина, Лука Модриќ со Хрватска и Реал Мадрид, Карим Бензема со Реал Мадрид, Мајкл Овен со Англија, тие се како играчи, а како тренери тука биле Зинедин Зидан со Реал Мадрид, Христо Стоичков со Бугарија и Марко ван Бастен со Холандија.

  • Од Македонија само еден фудбалер конкурирал за „Златната топка“. Тоа е Дарко Панчев, кој во историската сезона со Црвена Звезда во 1991 година дојде до „Сребрената топка“, односно второто место.

  • Од останатите, Родри и Усман Дембеле имаат играно против Македонија, но во У21-тимовите, надвор од нашите граници.

извор

Страшната трагедија во Шпанија со судирот на возови ги одложи натпреварите од Кралскиот Куп

28 октомври 2026
  • Голема трагедија во Шпанија денес ја потресе Европа откако два воза се судриле директно при што настрадале најмалку 30 лица а 179 се повредени. Поради тоа сите јавни настани во земјата се одложени.
  • Шпанската кралска фудбалска федерација ги одложила сите натпревари од Купот на Кралот. Во раната фаза вечерва и утре требаше да се одиграат повеќе натпревари меѓу кои и оној на Валенсија на нашиот Столе Димитриевски.
  • Трагедијата настанала поради човечка грешка, откако сервисер на железницата не сигнализирал според правилата дека на шините веќе има друг воз.

 

извор

Штета ако сте пропуштиле

Како големите брендови ги добија имињата

Најлошото помина. Најлошото допрва нè чека. Што не ви е јасно?

Следен предизвик: Да ја вратите и буквата "Т" (дополнување: и "Н")

Ѓаволот се крие во запирките