- Јирген Клоп долги години важеше за „човек од народот“, односно лик кого навивачите го обожаваа за својата искреност, чесност, понизност и харизма. Затоа тој изненади и разочара многумина што после неколку месечна пауза откако замина од Ливерпул, реши да потпише договор со гигантот Ред Бул и да биде именуван за „глобален шеф за сите фудбалски операции“ во сите нивни клубови (Ред Бул Лајпциг, Ред Бул Салцбург, Омија од Јапонија, Лиферинг од Австрија, Њујорк Ред Булс и Ред Бул Брагантино во Бразил) на различни континенти.
- Неговиот некогашен омилен играч во Борусија Дортмунд кого го водеше во најуспешните тренерски денови во германскиот фудбал, Кевин Гроскројц рекол дека бил шокиран кога ја видел веста дека Клоп потпишал договор со Ред Бул, најомразениот концерн во Германија за кого навивачите имаат само навреди затоа што не ги негува вековните традиционални фудбалски правила во германскиот фудбал.
- Ред Бул е на удар во Германија затоа што за разлика од сите други клубови (со исклучок и на Хофенхајм), не дозволува навивачите да имаат мнозинство пакет акции и одлучувачка моќ, туку самата управа од гигантот носи одлуки и одговара за нив.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
