- Фудбалската репрезенација на Македонија ги информира своите навивачи дека за средбата со Белгија во петок вечер од 20:45, во градот Гент ќе има организирана навивачка зона. ФФМ обезбедил бесплатен превоз за сите навивачи од навивачката зона до стадионот и назад.
- Автобусите кон стадионот ќе поаѓаат во 18:15 часот, а навивачите локацијата на местото за дружба ќе можат да ја најдат преку QR-кодот на објавениот флаер.
- Македонија ќе има поддршка од нешто повеќе од 1.000 навивачи на стадионот во Гент против силната Белгија која е голем фаворит на овој натпревар.
- Во објаснувањето се вели дека до сите кои купиле ваучери за билет се испратени пораки преку електронска пошта (е-маил) од Белгиската фудбалска федерација. Потребно е активирање на билетите, како и внесување на имињата на сите кои ќе бидат присутни (за групно купените билети).
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
