Offside › Набрзинка

КФМ: Перо Антиќ не бара работа, има доволно во Македонија

24 јули 2024

Кошаркарската федерација на Македонија испрати соопштение во форма на демант, откако се појавија видеа на кои Антиќ носи опрема идентична на луѓето од стручниот штаб на Феникс Санс.
„Наместо да сме среќни и горди што имаме врвен, професионален однос со екипи и раководни лица во Европа и ‘преку океанот’, ние тоа го користиме за сензационализам и за валкање на нечие име и однос.
Перо Антиќ не бара работа. Перо Антиќ има доволно работа во Македонија и сето она што го ‘работи’ надвор од границите е отворање на врати исклучиво во интерес на македонската кошарка и ЗА македонската кошарка.
Секој кој продолжува да го валка името на овој тим, поединечно или како целина, само докажува за својот личен карактер и зли намери“, стои во дел од соопштението.

Претседателот на кошаркарска федерација на проба за тренер во НБА?

извор

Вардар го продал Мато во Канзас Сити за многу пари?

14 јануари 2026

Најдбориот фудбалер на Вардар, лидер на екипата и најдобар стрелец на есенскиот шампион, Мато од Уганда, зимава добил бројни сериозни понуди од големи клубови.
Првично шкотски Хартс кој е неочекуван лидер во шкотската лига, синоќа официјално објави дека се договорил со африканскиот фудбалер кој играше со Уганда на Купот на Африкански нации. Но во меѓувреме работите се сменија и богата понуда за Мато стигнала и од Спортинг Канзас Сити, од МЛС лигата во САД.
Во договорот на Вардар со Спортинг Канзас Сити стои и клаузула од 10% од следната продажба на Мато кој би требало да заработува плата од околу 40.000 долари месечно плус бонуси, соопштија црвено-црните.
Нејасно е уште дали Мато ја прифатил понудата и се договорил со Хартс или ќе игра во Канзас Сити кој очигледно пратил побогата понуда.
Доколку трансферот се реализира, 20% од колачот ќе добие и струмичка Брера.

извор

Деби со дерби за двајца македонски судии на ЕП

14 јануари 2026

Интернационалните ЕХФ судии од Битола, Димитар Митревски и Благојче Тодоровски ќе судат во групната фаза во Малме и тоа на средбата Шведска и Холандија, закажана за 17 јануари од 20:30 часот.
За нив ова ќе биде прво Европско првенство во сениорска конкуренција, откако сезонава одлично судеа неколку дерби натпревари од Лигата на шампионите.
Македонија требаше да има уште еден ЕХФ судиски пар на шампионатот, но неочекувано Ѓорчи Начевски и Славе Николов беа суспендирани.

извор