Offside › Набрзинка

Картите за Македонија - Германија се продадоа за четири дена

7 октомври 2021

Билетите за натпреварот Македонија - Германија од квалификациите за Светското првенство 2022 се распродадени, соопшти ФФМ.
Продажбата стартуваше во понеделникот, а влезниците за мечот кој се игра на 11 октомври во 20:45 часот, се продаваа по цена од 100, 300 и 500 денари.
Според анти Ковид мерките, ќе се игра со 50% од капацитетот на Националната арена.

извор

Македонецот дел од чудото од Шведска: Не будете нѐ од овој златен сон!

31 октомври 2025

Шведскиот малку познат клуб Мјелби е најголем хит во европскиот фудбал откако пред неколку недели ја освои шампионската титула во оваа земја, во која фудбалската сезона има поинаков календар од другите земји.
Даниел Ивановски, некогашниот репрезентативец на Македонија е роден во Македонска Каменица пред 42 години. Тој играше во својот матичен клуб во родниот град, па потоа во кратовски Силекс и стигна до Вардар.
Ивановски кој играше во одбраната имаше понуди и од Динамо Загреб каде ги завршил сите медицински прегледи но поради разни околности и сплеткарења во управата, трансферот му пропаднал.
Тој подоцна отиде во Мјелби кој во тоа време бил второлигаш и никој ниту на сон не мислел дека еден ден ќе стане шампион во силната Алсвенска лига. Даниел Ивановски играл со Мјелби и во втора и во трета лига и со 150 настапи е права легенда на клубот.

извор

Талески си замина од Вардар по само два месеци

31 октомври 2025

Кратко траеше втората авантура на Филип Талески во Јане Сандански, кој потврди дека си заминува по само два месеци престој во новата сезона.
„Точно е дека заминувам од Вардар, на мое барање. Имавме состанок, раскинот е договорен, останува да го формализираме“, изјави Талески за Mkdhandball.
Талески играше за Вардар и во периодот 2020-2023, а потоа замина во Бенфика. Овој пат наводно не бил задоволен од минутажата.

извор