- ТФТ за првпат во историјата како најдобро пласирана екипа влегува на завршниот турнир од Купот на Македонија, каде во четвртфинале ќе се сретне со Феникс.
- Составот од скопската населба Тафталиџе има само еден пораз досега во Супер лигата и веќе обезбедено место во плејофот во АБА2, но и покрај тоа капитенот Едис Нури се пожали на денешната прес-конференција во Куманово.
- „Нашиот клуб е во лоша состојба, претпоставувам како најголемиот број други екипи. Тешко ни е во клубот, последната плата ја земав пред две години. Според мене е и срамно дека како клуб од Карпош играме во Маџари, но што е тоа е. Ова не значи дека нема да пробаме да стигнеме до трофејот“, изјави Нури
- Фудбалот како универзален јазик на пријателството, соработката и инклузијата беше во центарот на настанот „Допри го голот – Фудбал за секое дете“, реализиран од Основното училиште со ресурсен центар „Иднина“, Скопје, со поддршка на ФФМ и УЕФА Фондацијата за деца (UEFA Foundation for Children).
- На настанот учествуваа ученици со типичен и атипичен развој од седум училишта од Скопје, Куманово и Кратово.
- Преку заеднички фудбалски активности, учениците, наставниците и образовните асистенти испратија силна порака за важноста на инклузијата, врсничката поддршка, тимскиот дух и еднаквите можности за секое дете. Ревијалните фудбалски активности беа можност децата да се дружат, да соработуваат и да создаваат нови пријателства, потврдувајќи дека на фудбалскиот терен има место за сите.
- Поддршката за ваквите иницијативи е дел од заложбите на Фудбалската федерација на Македонија за промовирање на социјалната инклузија и создавање можности што ќе му овозможат на секое дете да биде дел од фудбалската игра.
- ФФМ информира дека дека продажбата на билетите за претстојниот натпревар Шкотска – Македонија ќе се одвива исклучиво преку официјалната електронска платформа за продажба на билети на Фудбалската асоцијација на Шкотска.
- За македонските навивачи првично ќе биде отворен секторот А2 на западната трибина, со капацитет од 539 седишта, а доколку има потреба од дополнителен број билети, ќе биде отворен и секторот А3, со дополнителни 860 седишта.
- Натпреварот Шкотска – Македонија ќе се одигра на 13 ноември 2026 година, со почеток во 20:45 часот по македонско време (19:45 часот по локално време), на стадионот „Хемпден парк“ во Глазгов.
