Offside › Набрзинка

Капитенот на Бугарија: „Македонците ќе го присвојат и Роналдо ако ги прашаш“

10 јануари 2023

Дваесет и шест годишниот Кирил Десподов е голема ѕвезда на бугарски Лудогорец и капитен на репрезентацијата на Бугарија.
На 2. јуни 2022 Десподов беше стрелец на голот во ремито 1:1 меѓу Бугарија и Македонија во меч од Лига на нации во Разград, а го постигна и единствениот погодок за победа на Бугарите на реваншот во Скопје во септември минатата година.
Десподов ја добил наградата најдобар фудбалер на годината во Бугарија, а во подолго интервју за бугарската државна телевизија Бтв, на прашањето кој му е најдраг гол во кариерата, рекол:
„Еден од најважните голови ми е против Македонија. Ме погоди што ни ја исвиркаа химната, ама затоа ги победивме. Македонците ја победија Македонија? Ако ги прашаш Македонците, ќе си го присвојат и Роналдо. Тоа што сум од Кресна, место кое е близу Македонија и го нарекуваат македонскиот крај не значи дека сум Македонец. На мојот пасош стои бело-зелено-црвено“, изјави напаѓачот.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.