- Легендарниот голман на Валенсија го искритикува својот поранешен клуб, дека лошо ја менаџира голманската позиција околу Столе Димитриевски на кој му беше ветен првотимски статус и Хулен Агирезабала, кој брани како позајмен од Атлетик Билбао.
- Според него, од оваа ситуација единствениот што има корист е Атлетик Билбао, бидејќи при ваквиот избор, се генерира вредност за друг клуб, а со тоа и самиот голман добива на цена.
- „Не можам да разберам зошто вториот голман Димитриевски, кој очигледно како слободен играч беше добро засилување, не е прва опција. Тоа создава фрустрација. Треба да си замине, затоа што неговото искуство не го искористија и не му го исполнија ветувањето“, вели Сантијаго Кањизарес.
- Првото сезонско издание од најсветото нешто во македонската клупска кошарка, пресметката меѓу вечните ривали Работнички и МЗТ Скопје (недела, 18 часот), за жал, нема да се игра во реновираниот „Градски парк“ како што беше ветено, откако 15-кратниот шампион за место за играње на неделната средба ја пријави салата СРЦ „Кале“, пишува Спорт1.мк
- Градоначалникот на Центар, Горан Герасимовски, пред локалните избори еуфорично најави дека новиот „храм на кошарката“ ќе биде отворен со едно од најголемите дерби-дуели во македонскиот спорт, но очигледно работите не се довршени навреме.
- Сајтот Ticketdata tracker кој се занимава со проучување на цените за разни настани од концерти до претстави и спортски манифестации, во последното ажурирање на страната извади цени на влезници за некои натпревари од Светското првенство во фудбал 2026 кое ќе се одржи во САД, Мексико и Канада.
- На пример цените за влезница за големото финале движат и кон 9.000 долари, за полуфинале карти се наоѓаат меѓу 2.712 до 2.381 долари. Да ја гледате Канада во група со една селекција која ќе дојде од баражите, на стадионот „БМО Филд“ во Торонто треба да одвоите околу 1.900 долари.
- Картите за четвртфинални средби во моментов изнесуваат 1.768 и 1.749 долари во просек. За дуелот Шкотска - Бразил на „Хард Рок“ велелепниот стадион во Мајами цена на билет изнесува 1.312 долари. За дуелот САД - Австралија за карта треба да се одвојат 1.182 долари.
- За Франција - Сенегал за најевтина карта на најдалечните места треба да се одвои 618 долари, за средба на Холандија против репрезентација од баражот во групна фаза цена на карта е 574 долари итн.
