- Легендарниот среден бек Филип Миркуловски се врати во Македонија по десетина години и ќе биде дел од Ракометната федерација како координатор на сите машки репрезентации.
- Миркуловски ќе соработува со селекторите на сите генерации – Кире Лазаров, Наум Танески и Горан Кузманоски и ќе помага во развојот на младинските категории.
- Славниот македонски репрезентативец, кратко време беше дел од стручниот штаб на Лазаров во сениорската репрезентација, но Вецлар беше пречката за паралелна работа.
- „Мора да направиме пионерска категорија, со кадетите веќе се доцни долго време, мора да им дадеме предност на тие млади деца за да можеме да ги стигнеме сите врвни селекции. Сакам да вложам многу труд и можам многу да придонесам, тоа го имам видено во Германија“, вели Жути
- Триесет и три годишниот десен бек Стефан Ристовски е нов член на ФК Сараево. Некогашниот македонски репрезентативец кој настапи и на првото историско Европско првенство за Македонија, неколку месеци беше слободен играч откако му истече договорот со Динамо Загреб.
- Ристовски забележа 206 настапи за Динамо (185 официјални натпревари), постигна 7 гола и 21 асистенција. Скопјанецот освои 8 трофеи со „модрите“ од Загреб: 4 шампионски титули во Хрватска, два пехари во Купот и два Суперкупа на оваа земја. 4 пати играше во групна фаза на еврокупови од кои 2 пати во Лига на шампиони против најсилните европски клубови.
- Ристовски од денес и официјално е член на ФК Сараево.
- Светската фудбалска федерација (ФИФА) денес објави најнова ранг листа според која репрезентацијата на Македонија бележи голем скок од 5 места и од 68-мо се искачи на 62-ро место.
- Прво место на ФИФА ранг листата и припаѓа на Аргентина која има 1.885,36 поени. Втора е Шпанија со 1.867,09 бода а трета е Франција. Меѓу првите 10 селекции се Англија, Бразил, Португалија, Холандија, Белгија, Германија и Хрватска.
- Овој скок доаѓа благодарение на одличните резултати на Македонија во изминатиот период односно ремијата против големите фаворити Велс и Белгија, и важните победи против Лихтенштајн и Казахстан во квалификациите за Светско првенство 2026.
- Македонија е во супер позиција пред продолжение на квалификациите, односно е прва со 8 бода од 4 меча, пред Велс кој има 7 бода од исто толку натпревари и Белгија која има два меча помалку и 4 освоени бода.
