Таеквондистката Душица Бреслиева остана без медал, откако загуби во четвртфиналната рунда од Карла Сесар од Шпанија со 0:2. Претходно ја забележа првата победа за Македонија на боречките спортови, откако ја совлада Матеа Јакобсен од Норвешка со 2-0, а во втората рунда триумфираше и против Украинката Анастасија Хаиворонска со 2:1.
И двете македонските репрезентации доживеаја порази од Словенија во Баскет 3х3. Девојките беа совладани со 6:16, додека момчињата загубија со резултат 15:21.
Македонскиот кајакар Кристијан Смилев го освои осмото место во финалната трка во дисциплината К1-слалом во поединечна конкуренција, пристигнувајќи на целта со време 1:47,64.
Во трката на Матка, златниот медал му припадна на Марек Кулчучки од Полска, среброто го освои Австриецот Макс Штрајнбренер, а бронзата се најде на градите на Јохан Шмит од Германија.
Во неделата рано изутрина по десетти пат се одржа традиционалното искачување на врвот Крчин, во организација на монашкото братство од манастирот Свети Јован Бигорски и неколку планинарски клубови како и „Црвен Крст“ - Охрид кој се грижи за безбедноста и сигурноста на сите учесници.
„Гората Крчин станува икона на восходењето на човекот кон Бога, а Литургијата на самиот врв е потсетник дека целото создание е повикано да стане храм на Бога Живиот. Секое искачување кон Божественото е мистагогија: телесен подвиг што го иконизира духовниот пат кон Царството Божјо“, рекол меѓу другото архимандрит Кирил од Бигорскиот манастир во беседата по Светата причест.
Новак Ѓоковиќ веќе неколку дена е во Црна Гора каде се подготвува за Гренд слем, Отвореното првенство на САД. Српскиот тенисер до утрово бил во Порто Монтенегро, а необично директно од летот за САД ќе оди на терен.
Ѓоковиќ се пријавил и за мешан дубл кој ќе почне пред сингл и останатите дублови. Ќе игра заедно со неговата сонародничка Олга Даниловиќ. Прввиот дуел им е закажан за вторник претпладне против руската двојка Данил Медведев - Мира Андреева.
Ноле секогаш одел на големите турнири најмалку една недела претходно во земјата каде што се учествуваат, а сега се решил за поинаков пристап.
