- Во последните пар секунди од натпреварот Минесота - Денвер кога Тимбервулвс веќе имаа победа во џеб, а сите играчи се поздравуваа меѓу себе и тргнаа кон клупите, Џајден Мекданиелс тргна да положува и да даде уште еден кош. Тоа опасно го налути Никола Јокиќ кој цела серија е провоциран од истиот играч, му се пушти и го зграпчи за дресот.
- Настана хаос на теренот кој набрзо се смири. НБА лигата сега го казни Јокиќ со 50.000 долари а Џулиус Рандл со 35.000 долари за тоа што започнале нереди после натпреварот.
- И двајцата ќе играат на натпреварот број 5 од серијата кој се игра во Денвер вечерва.
- Предводниците на Шкендија уште еднаш го допреа дното, откако со срамна фотографија го најавија дербито со Вардар, закажано за в сабота во Гостивар, преку која го навредија противникот, ФФМ, но пред сè сите христијани во Македонија.
- Според теолозите, ваквата презентација на светиот христијански симбол е огромна навреда, особено кога доаѓа од претставници на друга религија.
- Објавувањето на превртен крст со цел да се навреди христијанството е строго забрането според самото исламско учење. Но, навредувачите од тетовскиот тим не знаат дека со ваквото омаловажување на крстот како верски симбол истовремено направиле и грев во својата исламска вера, пишува Спорт1.
- Селекторот на македонската репрезентација, Кирил Лазаров, го објави поширокиот список од 35 ракометари кои ќе конкурираат за настап на почетокот од квалификациите за Европското првенство во 2028 година.
- Од оваа група, стручниот штаб дополнително ќе избере 16 ракометари кои ќе ги одиграат двата воведни натпревари. Првиот квалификациски дуел е закажан за 4 ноември (19 часот), кога Македонија ќе го пречека Луксембург, додека четири дена подоцна (8 ноември во 16 часот) нашиот национален тим ќе гостува кај Грција во градот Халкида.
- Прв повик доби натурализираниот Украинец, кој настапува за Пик Сегед Дмитро Хориха, како и Мартин Томовски кој брани одлично за Битигхајм. Сите други ракометари се од домашното првенство.
