Offside › Набрзинка

Јамал во Барселона до 2031 со огромна тинејџерска плата

28 мај 2025

Најголемата фудбалска сензација на планетата, Ламин Јамал потпиша нов 6 годишен договор со Барселона. Деко: Најдобар потпис низ годиниве. Лапорта: Заслужува посебен третман.
Претходниот договор на Јамал во 2023-та, поради возраста беше лимитиран на 3 години, но со полнењето 18 години на 13 јули, тој продолжува на Камп Ноу со нов потпис до 2031.
Деталите за сега не се откриваат, но се шпекулира дека наместо планираните 5, ќе заработува по 15 милиони евра годишно и со бонуси ќе може да стигне до 20.
Од 17 годишното дете, сезонава им се тресеа гаќите на сите. Одигра 55 меча со 18 гола и 25 асистенции и освои Ла Лига, Копа дел Реј и Супер Куп на Шпанија.

17 април 2026

Фудбалскиот судија Хавиер Ортега (48) бил убиен на терен за време на аматерски натпревар одигран во Пасахе, Еквадор.
Играчите и навивачите вриштеле и барале да се засолнат, а судијата починал на лице место.
Вооружените лица веднаш избегале и сè уште се на слобода.
Во декември лани, еквадорскиот репрезентативец Марио Пинеда беше убиен во пукотница, а неговата мајка ранета додека излегувала од месарница во населбата Саманес во Гвајакил. Двајца осомничени мажи беа уапсени.

17 април 2026

Некогашниот легендарен германски голман кој стана симбол на Баерн Минхен, Оливер Кан изразил свое мислење по повод Мундијалот кој летово ќе се одржува во САД, Мексико и Канада.
„Во САД сега се случуваат многу нешта кои веќе не одговараат на нашите вредности. Еден од примерите е војната (во Иран). Но јас не сакам да прелистам што се Доналд Трамп направи од моментот кога се врати на претседателската функција. Сега невозможно е да се отиде таму во добро расположение“, рекол Оливер Кан.
Како да подзаборавил дека и Германија е во воен блок и дава воена помош на други држави.