- Палестина, Саудиска Арабија, Катар, Обединети Арапски Емирати и Јордан се неколку од земјите кои пратиле допис до ФИФА во кое бараат да ја изолира репрезентацијата на Израел од сите натпреварувања поради војната во Газа.
- Писмото го потпишале претставници на 12 земји од Средниот Исток. Во меѓувреме Израел апелирал до ФИФА да „ја држи политиката надвор од спортот“ и нивните репрезентации и натаму несметано да играат квалификации за Европски и Светски првенства.
- Израел го чека бараж меч за пласман на Европско првенство, прво полуфинале против Исланд па ако го мине, ќе ги чека финале. „Ѝ верувам на ФИФА дека нема да меша политика во фудбал. Ние сме против учество на политичари во фудбалот и општо политиката во спортот генерално“, рекол директорот во Фудбалскиот сојуз на Израел Нив Голдштејн.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
