- Триесет и пет годишниот полски центарфор кој стана еден од најдобрите голгетери во историјата на светскиот фудбал, по доаѓањето во Барселона не ги повтори во целост настапите од Баерн Минхен каде ги урна сите рекорди.
- Барселона за летово планира чистка и продажба на повеќе фудбалери. Левандовски би можел да замине затоа што идејата на управата е екипата да се подмладува уште повеќе, а и не би можеле да ги испорачаат барањата на Полјакот за исти примања како и досега.
- Некои шпански медиуми пишуваат дека Атлетико Мадрид би можел да биде следна дестинација за ветеранот. „Јорганџиите“ планираат летово да се ослободат по соодветна цена од Алваро Мората, Мемфис Депај и Анхел Кореа.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
