Италијанскиот тенисер Синер доби драстична парична казна поради допинг
21 август 2024
- Првиот тенисер на светската ранг листа Јаник Синер два пати годинава бил позитивен на допинг тест но не доби суспензија поради тоа. Се утврдило дека до допингот дошло ненамерно па светската тениска организација реши да му одземе 400 освоени бода и да го казни со 300.000 евра поради допинг по полуфиналето во Индијан Велс.
- Овој скандал го потресе тенисот пред последниот Гренд слем во сезоната, Отвореното првенство на САД каде Јаник Синер ќе настапи и ќе проба да го освои вториот Гренд слем пехар во кариерата.
- Во телото на Синер бил најден клостебол, анаболичен стероид кој се наоѓа на листата забранети супстанци од Светската антидопинг агенција. Таа се нашла во организмот на Синер поради невнимание на неговиот физиотерапевт кој при лекување на исекотини му нанел крема во која имало клостебол. Италија и натаму е една од ретките земји во која клостеболот е присутен како супстанца во кремите.
