- Европската фудбалска федерација (УЕФА) соопшти дека го отстранила италијанскиот судија Фабио Мареска од денешниот натпревар од Лигата на шампионитево Холандија меѓу ПСВ Ајндховен и Спортинг Лисабон.
- Мареска требаше да биде четврти судија, но тој беше избришан од списокот, бидејќи на натпреварот од кувајтското првенство меѓу Кувајт и Ал-Араби му се заканувал на еден од играчите со смрт. Италијанецот беше јавно обвинет за закани, а УЕФА брзо реагираше и го симна од списокот за натпреварот од Лигата на шампионите.
- Шпанскиот стручњак, Жозеп Марија Берокал и официјално го наследи Марјан Илиевски и веќе одржа два тренинга како селектор на македонската кошаркарска репрезентација.
- Првиот ангажман ќе го има во продолжение од претквалификациите за ЕП 2029, против Луксембург в петок и Азербејџан на 2 март.
- „Поврзан сум со македонската кошарка преку Владо Илиевски на кој му бев тренер пред 23 години. Му бев тренер на Војдан Стојановски во Украина, а некои ги знам од Шпанија. Среќен сум, знам дека нема да биде лесно, ќе биде долг процес, но ќе се обидеме да направиме максимум од овие играчи“, рече во дел од изјавата Берокал.
- По комплетирањето на ждрепката, познат е целиосниот распоред во доигрување во машката ракометна Суперлига каде ќе се разигрува за места во еврокуповите и шампионската титула во Македонија.
- Во секое коло до крајот ќе има по една мега пресметка. Дерби дуелите Еурофарм Пелистер - Вардар 1961 се закаани за 2. коло во март кога црвено-црните гостуваат во Битола и за седмото коло во мај кога Битолчани доаѓаат во Скопје во натпревар кој би можел да ја реши шампионската титула.
- Во 1. коло Вардарци ќе играат против Алкалоид на гости а Еурофарм Пелистер оди кај Тиквеш во Кавадарци. Во истата рунда ГРК Охрид ќе му гостува на Бутел во Скопје. Разигрувањето почнува претстојниов викенд а ќе се игра до крајот на мај.
