- По големите трауми кои ги доживеаа во баражи за пласман на Светско првенство 2018 и 2022 од Шведска и од Македонија (во Палермо), Италијанците пропуштија две Светски првенства по ред што никогаш претходно во историјаа не им се случило.
- Затоа сега во баражот беа под огромен психолошки притисок. Играа со Северна Ирска во полуфинале, победија 2-0 но до првиот погодок се стегаа цели 56 минути. На крај Сандро Тонали и Моизе Кин го решија победникот.
- Сега ги чека тешко гостување во Зеница против напалената Босна и Херцеговина која ќе бара нов историски пласман на Мундијал.
- „Видовме вештерки неделава и размислувавме за тоа низ што помина Италија претходниве години... Чувствуваме страв и после се ослободивме. Не потсети на натпреварот со Естонија овде во Бергамо со тоа што сега направивме уште помалку прилики во прв дел. Сега бевме нервозни од почеток но како изминуваше натпреварот станувавме се подобри. После 1:0 почуствуваме слобода“, вели стрелецот на гол Сандро Тонали.
- „После голот за 2:0 чуствував како цела земја да ми падна од грб“, искрено признава шпицот Моизе Кен.
- „Ова е само мал чекор. Босна и Херцеговина за нас е како Монт Еверест на кој мора да се качиме. Денес сите чуствувавме нервоза дури и постарите како мене, Џиџи Буфон и претседателот на сојузот“, вели Гатузо.
- Голем скандал го потресува Европското првенство во спортска гимнастика кое во четврток почнува во Загреб. Хрватска нема да ја прими руската репрезентација во цел состав зошто на дури 9 членови не им била одобрена виза за влез и престој во земјата.
- Меѓу оние кои ќе го пропуштат Европското првенство е и Ангелина Мељникова, најголемата ѕвезда на светската гимнастика.
- Мељникова (26) во кариерата освои три светски титули, олимписко злато на Олимписките Игри во Токио во 2021-ва. Виза не добила уште една олимпијска шампионка, Русинката Викторија Листунова.
- „Селективно издавање визи претставува елиминација на еден од главните конкуренти“, рекле од Рускиот гимнастичарски сојуз.
- Ним велат најпроблематично е што не добиле баш никакво образложение зошто визите се одбиени на 9 члена на репрезентацијата на Русија.
- Турнирот во Загреб ќе трае до 23 август и ќе има околу 600 натпреварувачи.
- РК Вардар ги информира своите навивачи дека цената на сезонскиот билет за натпреварувачката сезона 2026/27 ќе изнесува 4.500 денари:
- Со сезонскиот билет ќе бидат опфатени сите домашни натпревари на РК Вардар од групната фаза во Лигата на шампионите, како и сите натпревари од домашното првенство и Регионалната лига.
- Продажбата ќе започне за неколку дена. Во моментов се тестира платформата за продажба, а клубот дополнително ќе ја информира јавноста за точниот термин кога навивачите ќе можат да ги купат своите сезонски билети.
- За натпреварите што ќе се играат во СЦ „Јане Сандански“, секој сопственик на сезонски билет ќе има свое место, кое ќе може да го одбере при купувањето. Во оваа сала ќе се играат сите домашни натпревари од Лигата на шампионите, како и дерби средбите против Еурофарм Пелистер, Охрид и Алкалоид во регуларниот дел од сезоната и во разигрувањето за титулата. Во „Јане Сандански“ ќе се играат и натпреварите од Регионалната лига за кои ќе има поголем интерес од публиката.
- Секој сопственик на сезонски билет ќе добие пластифицирана сезонска карта, која ќе важи за сите натпревари вклучени во пакетот.
- По завршувањето на продажбата на сезонските билети, ќе започне продажбата на поединечни билети за секој натпревар.
