Offside › Набрзинка

Иран преговара со ФИФА да го игра Светското во Мексико наместо во САД

17 март 2026

Фудбалската репрезентација на Иран се уште не одлучила дали ќе игра на Мундијалот 2026 кој се одржува во САД, Мексико и Канада, со оглед на директната војна на нивната земја со Израел и САД.
По воените напади кои ги изврши коалицијата Израел/САД во кои беше убиен ајаталохот и духовен лидер Али Хомнеи, од фудбалската федерација на Иран најпрвин најавија дека нема да играат на Светското првенство во САД.
Набрзо претседателот на САД даде две дијаметрално спротивни изјави во само неколку дена, па прво кажа дека на иранските фудбалери ќе им биде гаратирана максимална безбедност, дека ќе бидат сигурни за да пар дена подоцна каже дека не е баш сигурен дали Иранците ќе бидат безбедни во САД.
Од ФИФА првиот човек Џани Инфантино соопшти дека Трамп му дал гаранции за иранската фудбалска репрезентација.
„Кога Трамп експлицитно кажа дека не може да гарантира безбедност за иранската репрезентација, тогаш ние сигурно нема да патуваме во САД. Ние сега преговараме со ФИФА да ги одржи натпреварите на Иран од Светското првенство во Мексико“.
Иранците треба да играат во група со Нов Зеланд и Белгија во Лос Анџелес а со Египет во Сиетл. Прашање е сега и дали тие селекции би прифатиле да патуваат од САД во Мексико за да играат со Иран.

извор

Португалија добива нова седумка откако Роналдо си замина

1 октомври 2026

Потресот кој го предизвика заминувањето на Кристијано Роналдо од базата на репрезентацијата на Португалија, револтиран од односот на селекторот Жорж Жезус кој го загреваше 30 минути на натпреварот против Норвешка па не го стави во игра и го врати на клупа, уште трае.
Оваа вест е главна на сите светски спортски медиуми.
А во меѓувреме од фудбалската репрезентација на Португалија стигна нова вест дека седумката на Роналдо веќе му ја дале на Рафаел Леао за натпреварот против Данска вечерва во Копенхаген.
Леао седумка носел во младинските категории како и во Спортинг и во Лил. После Милан Рафаел Леао летово во богат трансфер отиде во Галатасарај. Кариерата на крилниот напаѓач е во пад, неговата форма драстично опадна во Милан каде ни од близу не ги пружаше партиите од првите денови во клубот. Тој за сега и во Турција не ја почна добро сезоната и не делува воопшто на играч кој прави разлика на теренот.

Добар пријател на Кристијано Роналдо открил што се случувало во кампот на Португалија

Роналдо се огласи по напуштањето на репрезентацијата

извор

Селекторот на Словенија по победата: „Не паѓаме во еуфорија, Македонија не е баш при фудбалскиот врв“

30 септември 2026

По триумфот на Словенија 2-0 над Македонија на стадионот „Стожице“ во Љубљана, словенечкиот селектор Бостјан Сезар после натпреварот зборувал подолго пред новинарите, а меѓу другото кажал:
„Честитки до момците, но ова е само почеток. Мора да раснеме од натпревар во натпревар. Едноставно не смее да има еуфорија. Победата е добра, ја остваривме против добра екипа, но Македонија не припаѓа баш на самиот врв на светскиот фудбал“.

извор