- Домараџу Гукеш вчера направи досега невиден подвиг, на само 18 години дојде до светската шаховска титула. Колку овој успех е голем говори фактот дека претходно рекордот за најмлад освојувач го држеше Каспаров кој се закити со титулата на 22 години.
- Интересно за нас е што Домараџу Гукеш на свои 15 години настапуваше за македонскиот шаховски клуб, ШК Прилеп.
- Во финалето Гукеш го победи Кинезот Лирен Динг, кој пак е поранешен шахист на ШК Алкалоид.
- Во Серија А има голема тренерска вртелешка летово. Масимилијано Алегри е старо-нов предводник на Милан, Џан Пјеро Гасперини отиде во Рома а на негово место Аталанта денес го постави хрватскиот тренер Иван Јуриќ.
- На големо изненадување на италијанската јавност, Аталанта се реши за Јуриќ и му дала 2-годишен договор. Јуриќ (49) досега водеше неколку италијански клубови меѓу кои Кротоне, Џенова, Палермо и Торино. Беше неколку месеци во Саутемптон каде забележа бројни порази и доби отказ од тимот кој испадна во втора лига.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
