- По големиот триумф над најтрофејниот европски клуб Реал Мадрид во 1/4 финале од Евролига, голема еуфорија владее меѓу навивачите на Партизан од регионот. Вечерва се игра и вториот меч во Мадрид каде „кралскиот клуб“ ќе се обиде да израмни пред двата дуели кои ги чекаат во Белград, а гостите ќе пробаат да направат ново чудо.
- А во главниот град на Србија претпладнево било право „кампување“ за карти за дуелите со големиот ривал, па дваесетина илјади влезници отишле како алва.
- Некои присутни чекале повеќе часови но на крај останале без вредното парче хартија. Претседателот на КК Партизан им се извини на сите кои останале без влезници со изјава дека владее толку голем интерес што и стадионот „ЈНА“ би бил тесен за овие натпревари.
- Тренерот на Челси Лиам Розениор одлчил да го отстрани капитенот и 120 милиони евра платениот Аргентинец Енцо Фернандез за следните два натпревари поради коментарите кои овој ги даде а во врска со желбата да се пресели на лето во Реал Мадрид.
- Навивачите на Челси оправдано биле бесни по ваквата изјава на капитенот на екипата кој среде сезона ги критикувал своите соиграчи и јавно отворено рекол дека сака да оди во Реал Мадрид.
- „Останаа уште осум натпревари и ФА Купот. После е Светското па ќе видиме понатаму“, рекол Фернандез и на прашање каде би сакал да игра, рекол дека би сакал да живее во Шпанија. „Ми се допаѓа Мадрид. Сличен е на Буенос Аирес“.
- Веќе неколку недели се шпекулираше дека Фернандез му се нуди на Реал.
- „Зборував со Енцо пред еден час. Како фудбалски клуб и мене како дел од одлуката, тој нема да биде со нас за утрешниот дуел и за мечот со Манчестер Сити следната недела. Разочаран сум што Енцо зборувал на тој начин. Немам ништо лошо да кажам за него но ја премина линијата во смисла на нашата култура и што сакаме да изградиме. Енцо има голем респект како играч и како личност за тоа што го постигна како фудбалер. Тој е фрустриран зошто сака ние да бидеме успешни. Вратата не му е затворена. Ова е санкција. Мора да заштити културата кога линијата за време на репрезентативна пауза беше премината“, рекол тренерот Росениор.
- Некогашниот фудбалер на Милан кој освои Лига на шампиони со росонерите и стана Светски шампион со Италија 2006, Џенаро Гатузо очекувано замина од селекторското столче на аѕурите.
- По срамниот дебакл и испаѓање од Босна и Херцеговина на пенали во баражот после што ќе пропуштат трето Светско првенство во низа, Гатузо заминува од клупата.
- „Со болка во срцето го завршувам моето искуство на клупата на репрезентацијата. Беше голема чест да се води репрезентацијата и го правев тоа со една групма момци која покажа одговорност кон дресот. Но најголема благодарност изразувам до навивачите, до сите Италијанци од кои овие месеци не изостана љубовта и поддршката за репрезентациајта“, рекол Гатузо.
- Оставката на Гатузо доаѓа по повлекувањето на првиот човек на фудбалскиот сојуз на Италија Гравина и директорот на репрезентацијата Џанлуиџи Буфон.
