- Во заедничка акција на обвинителствата за организиран криминал на Србија, Белгија, Холандија, Европол и Евроџаст уапсени се осум лица и запленето е вкупно 115 килограми кокаин.
- Во акцијата со која раководеле српските служби, во Амстердам бил уапсен и Душан Петковиќ (48), некогашен фудбалер и син на поранешниот селектор на Србија и Црна Гора Илија Петковиќ.
- Душан во кариерата играше најмногу за ОФК Белград каде летово го промовирале во спортски директор. Едно време настапуваше и за Мајорка, јапонска Јокохама, за Спартак Москва и за Волфсбург и Нирнберг.
- Голем скандал предизвика списокот за Светско првенство 2006 во Германија кога татко му Илија како селектор реши да го повика син му иако конкуренцијата беше далеку поквалитетна, но на крајот десниот бек реши сам да се повлече од пат за Мундијалот.
- МЗТ Скопје обезбеди ново финале во македонската кошаркарска лига каде ќе се бори за шампионска титула против подобриот од дуелот ТФТ Скопје - Раобтнички каде Тафталиџани водат со 2-0.
- МЗТ Скопје го совлада Куманово на гости за конечни 3-0 во полуфиналната серија. Уште на полувреме во салата во училиштето „Перо Наков“ Аеродромци водеа 28-53 поради што домашните навивачи гневни влегле на теренот да се пресметаат со своите играчи. Го нападнале Тадија Тадиќ на кого сакале да му го соблечат дресот. Реагирале редарите и полицијата.
- „Приведени се две лица, лишени се од слобода А.Ј. (36) И Д.С. (29), двајцата од Куманово поради тоа што нападнаа играч од домашната екипа за да му го соблечат дресот. Тие се приведени и по целосно документирање на случајот против нив ќе следува соодветна пријава“, соопштија од кумановското МВР.
- Ова е којзнае кој инцидент сезонава од навивачите на Куманово. КФМ еднаш ги казни но после ова веројатно ќе следува подолга суспензија на клубот.
Фото: Epa Images
- Откако во четвртокот вечер Барселона стана нов шампион на Шпанија, а Реал Мадрид остана и без трофеи во Кралскиот Куп, Суперкупот на Шпанија и Лига на шампиони, управата на клубот реши веднаш да почне со сериозна работа за следната сезона.
- Според Фабрицио Романо, Реал веќе го договорил 20-годишниот стопер Дин Хојсен од Борнмут. Хојсен е висок 1.95 игра како класичен централен дефанзивец. Интересно тој е роден во Амстердам, Холандија а неодамна реши да игра за репрезентацијата на Шпанија. „Кралевите“ ќе ја активираат откупната клаузула од 60 милиони евра и тоа во три рати по 20 милиони евра.
- Кариерата ја започнал во шпанска Коста Унида од каде оди во Малага. Во 2021-ва Јувентус го донесе како огромен потенцијал но никогаш не доби шанса во Торино. Го пратија на позајмица во Рома а од таму потпиша со Борнмут. Сезонава на 30 меча имаше 3 гола и 1 асистенција во англиската Премиер лига. Важи за огромен талент и еден од најдобрите млади стопери на денешницата.
