И Шпанија го објави составот кој ќе ја брани светската титула
5 јули 2023
- Шпанија доминира во сите категории во европската и светска кошарка. „Црвената фурија“ спои неколку титули во сениорска и младински категории на европски и светски првенства, а во клупската кошарка шпански претставници освоија пехари во Евролига и Еврокуп.
- Шпанците во 2019-та станаа светски шампиони откако во големото финале на Мундијалот во Кина ја совладаа Аргентина, а пред една година станаа и европски шампиони по триумфот над Франција во финалето на ЕП.
- Искусниот селектор, Италијанецот Серџо Скариоло во 2022-ра буквално со втор тим и во отсуство на многу првотимци ја одведе Шпанија до евро титула, а сега во репрезентацијата се враќаат најдобрите како Серхио Љуљ, Рики Рубио, Виктор Клавер, Абринес а најмногу надеж полагаат во ѕвездата од Мемфис Гризлис Санти Алдама.
- Светското се ига во Филипини, Јапонија и Индонезија од 25 август до 10 септември.
