- Откако компанијата RedBird станува сопственик на Милан во аквизиција вредна 1,2 милијарди евра, италијанскиот шампион ќе има поддршка и од инвестициски фондови кои стојат зад американските гиганти Њујорк Јенкис и Лос Анџелес.
- Бејзбол тимот Јенкис, сопственост на семејството Штеинбренер и компанијата Main Street Advisors од Лос Анџелес каде акции имаат Леброн Џејмс, музичкиот продуцент Џими Јовин и раперот Дрејк, ќе станат акционери и во шампионот на Серија А, пишува Фајненшел Тајмс.
- Нов газда на Милан ќе биде Американецот со италијанско потекло Гери Кардинале кој долги години работел во Њујорк Јенкис.
- После две години молк и прекинување контакт со родната земја, легендарната Јелена Исинбаева стапна во Русија, а причината е смртта на нејзиниот долгогодишен тренер Евгениј Трофимов, под чие водство стигна до врвни успеси во атлетиката.
- По завршувањето на кариерата, Русинката ја нарекуваа „миленичка на Путин“ и беше поврзувана со вооружените сили и Министерството за одбрана, каде стана офицер во руската армија.
- Украинскиот претседател Володимир Зеленски ја стави на списокот на луѓе на кои им е забранет влез во земјата и на кои им е конфискуван целиот имот на украинска територија.
- Исинбаева ги негираше тврдењата за нејзините активности во руската армија, по што се соочи со осуда од руската јавност која набрзина ја прогласи за предавник.
- Во мај 2022 Исинбаева се пресели во Шпанија и така за кратко време стана непријател и во Украина и во Русија.
- Некогашниот фудбалер на Партизан, Фиорентина, Интер, Рома, Торино, Бешикташ, реши пред залезот на својата богата кариера да се врати во својот роден град, Нови Пазар и да заигра за истоимениот фудбалски клуб во српската Супер лига.
- Адем Љајиќ неколку пати кажа дека имал желба да се врати во својот град и да заигра за своја душа.
- За Нови Пазар одбил бројни милионски понуди а во градот е јавна тајна дека игра без „динар надомест“ од клубот. Со капитенска лента околу раката го води клубот и сезонава а целта им е да влезат во плејоф на српската лига.
