- После повеќе од 50 години, почна реконструкцијата на салата на КК Работнички, која во блиска иднина треба да добие нов модерен лик на кој ќе се гордеат играчите, но и навивачите на клубот.
- Градежните активности кои веќе стартуваа, опфаќаат целосна реконструкција на салата, вклучувајќи нова фасада, нов покрив, но и обнова на теренот и гледалиштето според стандардите на ФИБА.
- Работнички пред една година доби 500.000 евра за реконструкција на салата, додека пред два месеци му беа одобрени дополнителни 1,5 милиони евра.
- Најкритикуваниот македонски олимпиец во Париз, кој заврши последен на 400 метри слободно, оствари нов голем резултат.
- На само 17 години, Ѓуретановиќ стана првиот македонски пливач кој успеал да исплива 400 метри слободно во 50 метарски базен за помалку од 4 минути.
- Рекордот Ѓуретановиќ го оствари на меѓународното натпреварување во Ниш, каде исплива со време од 3:57.75. Претходно македонскиот рекорд го држеше Марко Блажевски (4:00:53).
- Денешното време на Ѓуретановиќ беше и за речиси девет секунди подобро од времето на Олимписките игри и со тоа би бил пред седум пливачи во Париз.
- Македонската фудбалска легенда Горан Пандев е поставен за спортски директор на сите национални селекции, по што реши да си поднесе оставка од претседателската функција во прволигашот Брера Струмица.
- По именувањето на новата позиција во ФФМ, Пандев се повлекува од Брера за да нема судир на интереси.
- Тој е основач на ФК Академија Пандев, а со превземањето од Брера Холдинг беше поставен на функцијата претседател со цел да се даде нова димензија на функционирање и градење на еден професионален клуб.
