Offside › Набрзинка

Гиљермо Милано: Македонија е земја од која не сакаш да заминеш, а навивачите нешто најблизу до оние на Ривер и Бока

7 февруари 2025

„Ова е мој прв европски предизвик, ама досега работев со Аргентина на четири Олимписки игри и преку 20 Светски првенства во сите старосни генерации. Не знаев што ме очекува, ама не се плашев. Од првиот момент кога пристигнав тука ја почувствував поддршката, а тоа за нас е многу позитивно. Тоа ни ја олеснува задачата да престојуваме и да работиме тука“.
„Се обидуваме да учиме македонски, сакаме да го знаеме јазикот на земјата во која работиме. Сепак, во моментов немаме време за да се посветиме на такво нешто бидејќи работиме преку 15 часа дневно и 24/7 сме посветени на ракометот“.
„Одигравме едно дерби досега во Битола, ја почувствувавме атмосферата. Беше навистина лудо, неверојатно и нешто што не сум го видел во животот во 20 години. Ми се допаѓа фолклорот на ривалството во Македонија, така е и во Аргентина. Сепак, веднаш по крајот на мечот сите се Македонци и нема простор за ништо повеќе“.
„Навивачите на Вардар се неверојатни, веднаш луѓе нè препознаваат и поздравуваат на улица. Ова е земја која не запира да ме изненадува. Ми делува како сите во Скопје да се вардарови навивачи. Ми изгледа дека Македонија е земја од која не сакаш да заминеш, туку да останеш засекогаш“, вели во интервју за гол.мк 51 годишниот аргентински стратег на РК Вардар, Гиљермо Милано.

извор

Хрватите пред полуфиналето спиеле во автобус

29 јануари 2026

Хрватска ќе биде единствената репрезентација која нема да е сместена во Хернинг и ќе престојува во Силкеборг од каде што ќе патува 40 км до салата каде што се играат натпреварите.
По победата над Унгарија, Хрватска морала да патува пет часа со автобус од Малме до Хернинг каде што пристигна на еден ден пред полуфиналето.
„Патувањето беше напорно, некои играчи буквално спијеа на подот од автобусот од што беа исцрпени, споед многумина организацијата на турнирот е исклучително лоша“, пишува проталот „Гол.хр“.

извор

Нова вечер во Лига на шампиони - на кого за што му треба?

28 јануари 2026

Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.

извор