Offside › Набрзинка

Ги однесе Чесите на Светско и две Европски па донесе чудна одлука

21 ноември 2023

Одличниот чешки тренер Јарослав Шилхави после цели пет години ја напушти клупата на чешката репрезентација која синоќа победи 2-0 против Молдавија и обезбеди нов пласман на едно Европско првенство.
Шилхави ги водеше Чесите од 18. септември 2018-та година, а синоќа после мечот ја шокирал јавноста откако во интервју со чешката телевизија ЧТ Спорт рекол дека дава оставка.
„Среќни сме, но и покрај тоа одлуката е донесена уште пред натпреварот и нема да продолжам како селектор. Притисокот беше огромен, понекогаш и неразбирлив од мое гледиште. Тоа пресуди. Ќе се појавам во Германија како гледач и ќе ги поддржам момците“, рекол Шилхави кого најверојатно ќе го наследи Мартин Сведик тренерот на Словачки или некогашниот тренер на Спарта Прага Витешлав Лавичка.
Чешка со Шилхави играше на Светско 2022, играше на Евро 2020 и сега ја однесесе оваа селекција на ново Европско.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.