- Катар Спортс Инвестментс (QSI), групацијата која со голем успех го води ПСЖ, сега би сакала да вложи и во шпанска Малага.
- Овој шпански клуб на времето стигна дури и до четвртфинале на Лига на шампиони во 2013-та, но оттогаш наваму паѓаше на дното и игра во пониските лиги.
- Според Скај, катарската компанија преговара со Абдула Ал-Тани, сопственикот на Малага за да го откупи мнозинскиот пакет акции за околу 80 милиони евра. Размислувале претходно за Валенсија но се откажале поради преголемите долгови кои овој клуб ги има.
- Шеикот Насер Ал-Хелаифи (51) од ПСЖ имал еден услов: досегашниот сопственик на Малага да си ги преземе на себе сите долгови од клубот во моментов.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
