Offside › Набрзинка

Фудбалерки во шпанската женска лига: „Сакаме мажи да судат“

24 март 2025

Фото: Epa Images

Во женската фудбалска лига на Шпанија се погласно се зборува за барања за промена во правилникот на натпреварување. Пред три години кога женската суперлига на Шпанија се реорганизирала во Лига Ф, во правилникот пропишале дека натпреварите под нивна закрила може да ги судат само жени-судијки.
Во најскоро време треба да се одржи средба меѓу Кралската шпанска фудбалска федерација (RFEF) и Лига Ф (Феминил), на која ќе се разгледуваат можностите машки судии да се вратат во женскиот фудбал.
Повод за ова е што многу фудбалерки, тренери и управи на женските екипи ја критикувале работата на судијките. Тие сами барале дијалог со Кралската шпанска фудбалска федерација. „Треба да имаме подобри судији, без разлика дали ќе бидат мажи или жени“, рекла голманката на Барселона Ката Кол после поразот од Реал Мадрид (прв после 18 победи на женската екипа на Барселона во „Ел класико“).

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

извор

Партизан едногласно му ја одби оставката на Жељко Обрадовиќ

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.

извор