- После долгите најави кои траеа со години, Зинедин Зидан конечно ќе седне на селекторското место на Франција. Легендарниот фудбалер кој со голем успех го водеше Реал Мадрид правеше пауза од 2021-ва година и после 5 години повторно ќе тренира.
- Откако Дидие Дешам затвори едно успешно историско поглавје и ја напушти репрезентацијата на Франција после 14 години на клупата. Дешам остава импресивно наследство со злато на Светско првенство 2018 во Русија, финале на Светско првенство и сребрен медал во 2022 и трофеј од Лига на Нации во 2021-ва. Дешам стана еден од тројцата луѓе во историјата на фудбалот кој освоиле Светско првенство (1998) и како играч и како селектор.
- Зинедин Зидан побарал и најверојатно ќе добие долгогодишен договор а се споменува 8-годишна соработка со француската фудбалска федерација.
- Дешам изјави дека тој заминува не по своја воља, туку по нарушена атмосфера во репрезентацијата и лоши односи меѓу играчите и Фудбалската федерација на Франција.
- Меѓународното здружение на фудбалски асоцијации (ИФАБ) неодамна воведе нови правила, околу 15 на број кој веќе се во игра од 1-ви јули во новата сезона 2026/2027.
- ИФАБ донел промени во однос на замените на играчите, на задржувањето време, на ВАР, на медицински третман, на изведување аут и гол-аут, како и уште некои други нови правила.
- Едно од поинтересните е: напуштање игра за 10 секунди (ако играч не го напушти теренот кога судијата ќе даде знак за тоа или кога ќе се покаже таблата за измена, резервата од клупа нема да може да влезе во игра во следните минута време и при првиот следен пркин).
- Во последниве седум дена на највисокиот врв во Европа, Елбрус (5.642 метри надморска висина) се случиле три трагедии при што загинале дури седум планинари алпинисти.
- Седуммина алпинисти од Зеница, од Босна и Херцеговина поради страшна снежна бура на 5.100 метри надморска висина морале да ја прекинат турата а откако се загубиле во виорот, петмина починале од смрзнатини. Руските медиуми пренесуваат дека босанските планинари биле тргнати без водич. На источната страна на Елбрус, пак, на висина од 4.200 метри загинало 11-годишно момче. Татко му доживеал тешки повреди но го евакуирале и спасиле.
- „Луѓе загинуваа на Елбрус и претходно. Ако се види статистиката на качувања, трагедии на Елбрус се случуваа и пред 5, 10 и 20 години. Тоа е закономерноста: врвот е многу популарен, тука доаѓаат многу луѓе и затоа процентот е толкав“, вели Ирина Морозова, инструктор по алпинизам.
