Offside › Набрзинка

Франција решена, ќе организира фудбал со Израел ама со 2.000 полицајци

8 ноември 2024

Во Амстердам во четвртокот вечер гостуваше израелски Макаби Тел Авив. Навивачите на израелскиот тим симнувале палестински знамиња по локалните имоти а муслиманите, во прв ред Мароканците кои живеат во градот подоцна ги бркале и тепале низ целиот центар.
Сега после овие нереди во Амстердам, се поставува прашањето како репрезентацијата на Израел следната недела ќе гостува во Лига на Нации во Франција.
„Франција нема да се повлече од организирање на натпреварот затоа што тоа би значело повлекување пред заканите со насилство и антисемитизмот“, пишал францускиот министер за внатрешни работи Бруно Ретаиле на мрежата Х. Во вторникот на мечот меѓу ПСЖ и Атлетико Мадрид, домашните навивачи извадија големо прекривно знаме со натпис „Ослободете ја Палестина“. Французите планираат да го обезбедат мечот Франција - Израел во четврток на 14-ти ноември со најмалку 2.000 полицајци.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор