Offside › Набрзинка

„Флорентино Перез ме затвори во соба и ми вршеше притисок за судењето“

13 март 2023

Едуардо Итуралде Гонзалес јавно обвини дека после натпревар меѓу Реал Мадрид и Депортиво кој завршил 6:1, претседателот на Реал Мадрид му пришол и го затворил во соба за да му каже како да суди.
Гонзалес е поранешен судија во Ла Лига во периодот меѓу 1995 и 2012, а сега работи како аналитичар за Кадена СЕР.

„Еден човек ме стави во соба и ми рече: `Од тебе барам да судиш исто како против Барса`. Го прашав дали се шегува, а тој ми рече дека разговорот е завршен. Тој што ме стави во посебна просторија беше Флорентино Перез. Не треба да кријам. Има извештај, јас го објавив. Техничкиот комитет на судии знаат за тоа. Така можат да видат што значи притисок. Им обрнав внимание, бидејќи ми се чинеше на многу сериозно, но не се случи ништо. Бидејќи оние на Реал Мадрид ТВ се добри новинари, нека истражуваат. Ќе им ја олеснам работата: нека почнат од врвот“, вели поранешниот судија.

30 јули 2026

Протестите на навивачите на Лацио против Клаудио Лотито се одразуваат и финансиски врз клубот.
Во првата кампања за обновување на сезонски билети, регистрирани се околу 2.000, што значи скоро 28.000 сопственици на сезонски, засега избраа да не ги потврдат своите места на стадион.
Оваа бројка се однесува само на првиот дел од кампањата и затоа не го претставува конечниот број за сезоната 2026/27.
Помеѓу 2022 и 2026 година, навивачката база беше стабилна со околу 30.000: 26.193 во 2022/23, 30.333 во 2023/24, 29.036 во 2024/25 и 29.918 минатата сезона. Континуитет кој сега ризикува нагло да биде прекинат.

30 јули 2026

Откако Жозе Мурињо одлучил дека за младиот талентиран центарфор Гонзало Гарсија нема место во екипата и нема да добива доволно минутажа, кралскиот клуб брзо му најде нова средина.
Англиски Фулам плаќа 70 милиони евра за потписот на младиот 22-годишен Шпанец роден во Мадрид.
Како што пишува Кадена КОПЕ, фудбалерот кој на 39 настапи постигна 8 гола од кои 6 во Ла Лига минатата сезона, набрзо ќе се пресели на „Крејвен Котиџ“.
Реал Мадрид заработи повеќе од сто милиони евра од продажба на играчи од нивната академија. Нико Паз замина за 60 милиони евра, Виктор Муњоз за 20 милиони евра, Алваро Родригез за 12,5 милиони евра, Рафа Мартин за 15 милиони евра, Алекс Хименез за 12,5 милиони евра, Марио Мартин за 3,5 милиони евра и Фран Гарсија за 4 милиони евра. Вкупно околу 107,5 милиони евра заработка.