- Во свое обраќање на самитот на Г20 на Бали во Индонезија, претседателот на ФИФА Џани Инфантино на светските лидери им порача дека фудбалот нуди платформа за мир и едномесечен прекин на огнот.
- „Мојата молба до сите вас е да размислите за привремено, едномесечно примирје додека трае Светското првенство или барем да се воспостават некакви хуманитарни коридори или што било што може да доведе до продолжување на дијалогот како прв чекор кон мирот. Вие сте светски лидери и имате можност да влијаете врз текот на историјата. Фудбалот и Светското ви нудат единствена платформа за единство и мир низ целиот свет“, рекол Џани Инфантино.
- Мундијалот во Катар ќе се игра од 20 ноември до 18 декември и ќе биде прво Светско првенство во зимски период поради високите температури во оваа земја преку лето. Ова ќе биде последно Светско со 32 селекции, на следното во САД, Канада и Мексико ФИФА одлучи да има 48.
- Македонската ракометна репрезентација за утре го планира патувањето во Пореч каде ќе ги продолжи подготовките за Европско првенство 2026 кое се игра во јануари.
- Селекторот Лазаров беше принуден поради повреда да го замени Валентин Карсманакис, ракометарот на Алкалоид со Никола Маркоски. Ова е прво откажување на играч пред Европското.
- Македонија во недела ќе тестира против Хрватска, а пред Европското ја чекаат пријателски натпревари со Бахреин, Украина и Швајцарија.
- Некогашниот репрезентативен стопер со 65 настапи за Македонија и клупска легенда на германски Мајнц 05, а сега раководител на скаутинг службата при ФФМ, Николче Новески се надоврза на дискусијата која веќе неколку денови ја збуни македонската јавност.
- Новески во нешто помирен тон за разлика од неговите колеги и поранешниот селектор, кажа мислење на темата:
- „Мислам дека е времe за нови лица и создавање на нови стручни кадри во фудбалот. Секој треба да добие шанса, а времето ке покаже дали е оправдана довербата. Македонскиот фудбал и репрезентацијата не смеат да бидат заложници на поединец, особено не на човек кај кого личната суета и карактерот излегуваат во преден план.
- Во ваков момент ни треба целосна поддршка за репрезентацијата, ангажираност и сплотеност од сите што ѝ мислат добро, а не обиди за самопромоција и поделби. Репрезентацијата е над секое име и над секој поединечен интерес. Лични битки и фрустрации не ѝ носат ништо добро на Македонија”.
