Offside › Набрзинка

ФФМ: За вакви нелуѓе нема место во фудбалот

31 март 2025

„Фудбалската федерација на Македонија отвора дисциплинска постапка против ФК Шкендија поради нечовечкото однесување на навивачите и непочитувањето на минута молк во чест на жртвите од трагичната несреќа.
Овој чин претставува недопустливо непочитување кон загинатите и нивните семејства.
ФФМ ќе преземе соодветни мерки согласно правилата со што ќе обезбеди вакви недолични постапки никогаш повеќе да не се повторат.
За вакви нелуѓе нема место во фудбалот. Нека се огледаат на Шкендија Арачиново, која покажа достоинство и почит кон жртвите и целокупната ситуација во државата“, стои во дел од соопштението на ФФМ.

Навивачите на Шкендија го допреа дното, со свирежи и скандирања ја прекинаа минутата молк за Кочани

извор

Научете ги новите фудбалски правила за да не се изненадите

27 јули 2026

Меѓународното здружение на фудбалски асоцијации (ИФАБ) неодамна воведе нови правила, околу 15 на број кој веќе се во игра од 1-ви јули во новата сезона 2026/2027.
ИФАБ донел промени во однос на замените на играчите, на задржувањето време, на ВАР, на медицински третман, на изведување аут и гол-аут, како и уште некои други нови правила.
Едно од поинтересните е: напуштање игра за 10 секунди (ако играч не го напушти теренот кога судијата ќе даде знак за тоа или кога ќе се покаже таблата за измена, резервата од клупа нема да може да влезе во игра во следните минута време и при првиот следен пркин).

извор

Три трагедии и седум загинати од кои 5 од Босна за една недела на Елбрус

27 јули 2026

Во последниве седум дена на највисокиот врв во Европа, Елбрус (5.642 метри надморска висина) се случиле три трагедии при што загинале дури седум планинари алпинисти.
Седуммина алпинисти од Зеница, од Босна и Херцеговина поради страшна снежна бура на 5.100 метри надморска висина морале да ја прекинат турата а откако се загубиле во виорот, петмина починале од смрзнатини. Руските медиуми пренесуваат дека босанските планинари биле тргнати без водич. На источната страна на Елбрус, пак, на висина од 4.200 метри загинало 11-годишно момче. Татко му доживеал тешки повреди но го евакуирале и спасиле.
„Луѓе загинуваа на Елбрус и претходно. Ако се види статистиката на качувања, трагедии на Елбрус се случуваа и пред 5, 10 и 20 години. Тоа е закономерноста: врвот е многу популарен, тука доаѓаат многу луѓе и затоа процентот е толкав“, вели Ирина Морозова, инструктор по алпинизам.

извор