Еуфорија во Мароко, Брахим Дијаз ги бира нив наместо Шпанија
11 март 2024
- Дваесет и четири годишниот фудбалер на Реал Мадрид, Брахим Дијаз кој имаше одлични настапи во Милан како позајмен играч а сега класата ја докажува и во Реал, најверојатно решил да игра за репрезентацијата на Мароко.
- Дијаз е роден во Малага, татко му е Мароканец. Првите фудбалски чекори како мал ги прави токму во истоимениот клуб а во 2015-та година на свои 16 години оди во Манчестер Сити во трансфер вреден 200.000 евра. Во 2016-та дури и дебитирал за Манчестер Сити кога влегол во игра во 80-та минута во натпревар од Купот.
- После тоа Брахим Дијаз оди во Реал Мадрид во 2019-та за околу 17 милиони евра. Интересно има еден настап за Шпанија во пријателски меч со Литванија во 2021-ва година, но од тогаш не добил ниту еден повик поради што од Мароко тргнале во права офанзива па селектор дури пет пати му бил во посета на Дијаз, а на гости му доаѓале и видни политичари од оваа земја со цел да го убедуваат да заигра за нив.
